Nunarsuaq atuagaateqarfimmi naapiguk

Nunani allaniit inuit naapikkusuppigit, imaluunniit malugissutsinut katersugaasivik misilikkusuppiuk? Taava Nunatta Atuagaateqarfia Multi-Kulti-rtoqarnerani pulaassavat

Atuagaateqarfimmi ulluni Multi-Kultini tupaallaatissaqarpoq. Meeqqat iserlutik Mini biografimi filminik assigiinngitsunik isiginnaarsinnaapput. ”Kisianni filmini suut takutissanerivut isertugaavoq”, Nunatta Atuagaateqarfiani sulisoq, Chloe Christiansen oqaluttuarpoq

Filmillu sumut tunnganerat ersersalaarusuppaa, "kulturinut assigiinngitsunut nunanullu allanut tunngavoq", oqarpoq.

Nunarsuaq misiliguk

Aamma nunarsuaq allatut ilinniarsinnaaneranut periarfissaqarputit. Atuagaateqarfik malugissutsinut katersugaasivimmik aggerluni misiliiviusinnaasumik peqarportaaq.

Oqarpoq "Maani kulturinit allanit nunanillu allanit innuttaasut malugissutsitik atorsinnaavaat, misigalugu, attorlugu, naamallugu".

Malugissutsinut katersugaasivik mikisuniit angisuunoorpoq, ulluinnarnilu takusanngisanik tupaallaatissaqarluni.

Nunanit allanit inuit naapikkit

Malugissutsinut katersugaasivik misigereeraanni kulturinullu allanut nunanullu allanut takunnereerluni, Nuummi innuttaasunik nunami allameersunik oqaloqatiginnittoqarsinnaavoq.

”Maani inuit Frankrigi, Den Dominikanske Republikki, Bulgaria, Koreap kujataa, Spania, Finlandi, Ungarni Ruslandimiillu naapinneqarsinnaapput”, oqarpoq.

Maani eqqartorsinnaavatit nunamut nutaamut nuunneq, oqaatsit nutaat ilinniarneri kulturillu allap ilinniarneri qanoq innersut. Amerlasuut suliartorlutik ilaalu ilinniariarlutik tamaannartarput. Periarfissaqassaatit inuit nutaat pissanganartullu ilinniarnissaannut.

"Kuturit allat Nuummiittut takutinnissaannut oqaloqatigiisitsinissamut qilanaaqaagut" Chloe oqaluttuarpoq, nangillunilu "neriuppugut innuttaasut kulturinik allanik paasinninnermut, ilisimasanik nutaanik angerlaassiumaartut aammalu atuagaateqarfiup nerisassiornermut atuaqqinnermullu isumassarsianik tunngasunik peqartoq"

Multi-Kulti pillugu paasissutissat una toorlugu atuarneqarsinnaapput