Ukioq manna Ilinniartitsisut aqutsisullu nersualaarpavut

Ilinniartitsisut nunarsuarmi pingaarnerpaamik suliassaqartut. Taakkuugamik kinguaariinnik tullinnguuttunik eqqarsarluartitsisussat, oqaatsit atorlugit nuannersunik eqqarsartitsisussat pilersitsisinnaanermullu kaammattuisussat

Taamaattumik Kommuneqarfik Sermersuup atuafinni ilinniartitsisut aqutsisullu nersualaarniarpai, taakkuummatami isumassarsititsisartut aammalu atuartunut suleqatiminnullu iluaqutaasussamik suliamik saniatigut suliaqartartut. Ilinniartitsisoq aqutsisorlu, sulinerminnut tunngasunik ilisimasaqarnermikkut inuttullu tunniussimanermikkut, suliffimminnik atuartuutiminnillu qaffassaasut.

Ilinniartitsisoq imaluunniit atuarfimmi aqutsisoq maannamiit arlaat innersuussinnaavat apriilip 30-iata ilanngullugu. Uunga mailimik nassiussigit: laerer@sermersooq.gl

Mailinni ateq allassavat, minnerunngitsumillu eqqaamallugu tunngavilersuilluarnissat, sooq ilinniartitsisoq imaluunniit aqutsisoq taanna nersualaarneqartussatut innersuunnerlugu. Sulilluarneranut tunngasunik assersuusiorsinnaaguit iluassaqaaq!

Ilinniartitsisutta nersualaarnissaannut peqataagit. Pisariaqartippaat!

Toqqagaasut juunimi nalunaarutigineqassapput.

 - Meeqqanut Atuarfeqarnermullu Ingerlatsivik




PDF