Annaassiniartartunut naliliisartut nutaat

Naluttarfik Malik nutaanik arfinilinnik annaassiniartartunut naliliisartunik peqalerpoq

”Nuanneqaaq toqqissisimanarlunilu, maannakkut nammineq naliliisartussanik ilinniartitsisinnaalerpugut”, naluttarfimmi pisortaq Bruno Heilmann oqarpoq.

Naliliisartutut allagartaq ukiut pingasukkaarlugu nutarterneqartarpoq, siornatigullu Dansk Unionimiit ilitsersuisussamik tikisitsisoqartarsimavoq. Maannakkullu naluttarfik Malimmi sulisut namminneq ilitsersuisinnaalerput. Pisortaq Bruno Heilmann Danmarkimiissimavoq instruktøritut ilinniariarluni maannakkullu annaassiniartartunut naliliisartunut siunissamilu naliliisalertussanut ilitsersuisinnaanngorsimalluni.

Naliliisartut nutaat pilluaqquagut, tassaasut saamimminngaanniit: Bruno Heilmann, Karale Kielsen, William Davidsen, Marie-Kristine Leibhardt, Pitsi Ottosen, Tuperna Lyberth Larsen aamma Anthon Thomassen.