Umiarsualivik apummik ilusilersukkanik ulikkaarpoq

Apummik Ilusilersuinermi 2019-imi ilusilersuisoqatigiit 13-it kajumissutsiminillu sulisut 35-t aaqqissuussap immikkut misigisassaqarfiginissaa anguniarlugu peqataapput

”Nuannertorujussuuvoq inuillu arlallit alakkarterisimapput. Ingerlanneqarnera iluatsilluarpoq!”, Laila Altinbas, Nuummi Apummik Ilusilersuineq 2019-imi aaqqissuussinermi aqutsisoq taamak oqarpoq.

Nangipporlu ”Ingerlalluartorujussuuvoq oqareernitsitullu alakkarterisut amerlasimaqaat, apummik ilusilersukkat aamma ilusinikkiartorneri malinnaaffigalugit alutornaqaat”



Issinnerujussua inunnik ingalassimaartinngilaq

”Issinnerata inuit ingalassimaartippasinngilai arfininngormat aamma ”silent disco”-qarpoq lysshoweqarlunilu, qiianaraluaqisorli inuit alakkaasut amerlaqimmata nuanneqaaq” Laila nassuiaavoq.

Umiarsuarsuarnik takornariartaatinik tikittunut isersimaartarfik kissasserfissatut atorneqarpoq, taqqamanilu kissassiutaa kaffisorujoortoqarsinnaalluni. Apummik Ilusilersuineq meeqqanit aamma nuannarineqaqaaq, ilusilersukkat akornanni arpaqattaarput iluatsitsigaangamillu ilusilersukkanut qalloriarlutik angajoqqaaminit assilisittarput.



Ilusilersuinermi ajugaasut ”light in depth”-iupput

Apummik ilusilersukkat naammassimmata ilisarnartunik ilusilersukkat immaqaluunniit ilisarnatuliaanngitsut naliliisartunit sisamanit nalilersorneqarput. Nalilersuisut ukuupput Peter Barfod, Gukki Nuka, Kirstine Sporre Kreutzmann, aamma Ujammiugaq Engell.

”Eqqumiitsuliortariaasiat, ilusilersorneqarnerallu ilusilersuisullu qanoq isumassarsiaqarsimanersut, isumassarsiaminnillu piviusunngortitsinerat pillugu oqaloqatigaat aammalu apummik atorluaasimanerat naliliinerminni isiginiarpaat”.




Ilisarnatuliaanngitsutut ilusilersuinermi ”light in depth” ilusilersuisoqatigiit Team Qinngorput ilusilersugaat ajugaavoq.





Ilisarnartunik ilusilersuinermi ”Transformation” ilusilersuisoqatigiinnit Sisamaqqanit ilusilersorneqarsimasoq ajugaatinneqarpoq.





Ukioq manna meeqqat angerlarsimaffiat Qajaasat kajumissaammik tunineqarpoq.






Deltager
fisk
laila
narhval
Olaf
samtalerum
vinder af figurativ 1