Meeqqat inuusuttullu ajunnginnerpaamik misigisaqartittaqariaqarpagut

Borgmester Asii Chemnitz Narup Tasiilameeqqammerpoq, ilaatigullu katsorsaavik nutaaq Artsarner alakkarpaa.

Asii Chemnitz Narup: ”Nuanneqaaq maani Tasiilami katsorsaavik nutaaq pilersinneqarmat, Namminersornerullutik oqartussat suleqatigalugit. Katsorsaavik ornikkuminarpoq nunaqarfiillu aamma ukkatarineqarlutik. Neriuppunga inuit ikiortinnissaminnut pisariaqartitsisut saaffiginnittarumaartut. Meeqqat inuusuttullu siunissamik qaamasumik aqqutissiuuttariaqarpagut. Artsarnerimi sulisut nersualaagassaapput qujassutissaqarfigaagullu, Asii Chemnitz Narup oqarpoq.

Fagkonsulenti Kurt Pedersen, pitsaaliuinermut siunnersorti Kista Marie Taúnâjik Nikodemussen kiisalu misbrugsnøgleperson Karoline Bianco illumi takornariartitsipput suliatillu oqaluttuaralugit. Aamma piffissami tulliuttumi pisussat eqqartorpaat.

Kurt Pedersen: ”Nuannaaqaagut maanga pulaaravit. Nuanneqaaq politikkikkut tapersersorneqarneq. Ukioq manna katsorsaanerit sisamat ingerlassamaarpagut, naatsorsuutigivarput ukiup ingerlanerani inuit 80-t katsorsarneqarumaartut”.

Artsarner januarip 21-ni pisortatigoortumik ammarneqarpoq. Artsarner imigassamik, aanngajaarniutinik aningaasanoornermillu atornerliunermut katsorsaavittut atorneqassaaq.