Innuttaasunut

Nunaqarfinnut aningaasaliissutaasartunit kulturi peqatigiiffeqarnerlu suleqatigiinnerulersitsiffiussapput

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Kommuneqarfik Sermersuup 2020-imut nunaqarfinnut aningaasaliissutai aqqutigalugit kommunimi nunaqarfinnut 2,5 mio. kr.-it agguaanneqarput. Pingaartumik kulturimut peqatigiiffeqarnermullu tunngasunut aningaasaliissuteqartoqarpoq.

Nunaqarfinnut aningaasaliissutaasartut Kommuneqarfik Sermersuumi nunaqarfinnik ineriartortitsinissamut aaqqissuussinerit qitiulluinnartut ilagaat, nunaqarfinnilu aqutsisut aningaasat sumut atorneqassanersut pillugit namminneq kommunimut siunnersuuteqartarput.

2020-imut tunngatillugu katillugit 2,5 mio. kr.-it pineqarput, nunaqarfiillu tamarmik soorunami namminneq oqartussaaqataanertik oqaluttuassaqarfigisarpaat. Tamanna aamma tulleriissaarinermi takuneqarsinnaavoq.

Isertoq, Tiilerilaaq aamma Kulusuk eqqarsaatigalugit aningaasat soorlu puisit amiinik qapiarnermut atorneqartussanngortinneqarput, taavalu Qeqertarsuatsiaani Fiskenæssetaskemik taaneqartartumik asseqanngitsumik avittalimmik nuiorakkamillu suliaqartitsinissamut immikkoortitsisoqarluni.

Kulturi kimeqarluarpoq

Nunaqarfiit ataatsimut isigalugit, kulturi peqatigiiffeqarnerlu pingaarnerpaatinneqarput. Siullermik peqatigiiffinnut assigiinngitsunut tapiissutitigut, aammali kulturikkut aaqqissuussinernut nalliussinernullu.

Ataatsimut katikkaanni aningaasaliissutigineqartut pingajorarterutaat kulturimut peqatigiiffeqarnermullutunngasunut illikartinneqarput, tamakkualu ukiumi nutaami nunaqarfimmiut qilanaarilereersinnaavaat.

Tamakkua saniatigut suliffissaqartitsinissamut tunngasut aammalu nutarterinerit iluarsaassinissallu nunaqarfinnut aningaasaliissutaasartuni amerlasuunik aningaasassaqartinneqarput.