Tasiilami ilaqutariinnik siunersioqatigiissitsineq

Tasiilami ilaqutariinnik siunersioqatigiissitsisarneq atulersikkiartuaarneqalerpoq, taanna inunnik sullissinermi periusiuvoq, taannalu periuseq atuarfimmi ilinniartitsisut ukiaanerani sulinngiffeqarneranni pikkorissarfigivaat.

Isumaginninnermut siunnersorti Maria Forberg pikkorissaanermik aaqqissuisuusoq nassuiaavoq. ”Tasiilami ilaqutariinnik siunersioqatigiissitsisarneq atulersikkiartuaalerparput, pitsaaliuilluni sulinermi aamma oqartussaaffeqarnermut tunngasuni suliani. Upernaaq meeqqerivinni sulisut, Meeqqanut Ilaqutariinnullu Immikkoortortaqarfimmi sullissisut kiisalu Meeqqanut Ilaqutariinnullu Sullissivimmi suleqataasut periutsimik pikkorissartinneqarput, Tasiilamilu meeqqanut ilaqutariinnullu siunersioqatigiissinneqartarnerannik ingerlatsileruttorput.

Ilaqutariinnik siunersioqatigiissitsineq sunaana?

”Ilaqutariinnik siunersioqatigiissitsineq pillugu suliaqaraangatta innuttaasut peqataatinneqartarput. Ilaquttat attaveqaatilllu peqataatinneqartarput meeqqap qanoq ililluni pitsaanerulersinnaanera pillugu pilersaarusioqataallutik. Ilaqutariinnik siunersioqatigiinneq pillugu suliaqarnitsinni takusinnaalertarpavut ilaqutariit iluanni aamma attaveqaatini nukissat suunersut, tamakku "ulluinnarni isumaginninnerup iluani sulinermi nalinginnaasumi" takuneqarsinnaanngitsut aamma amerlanertigut ilaqutariit attaveqaatillu ilanngussassaqartarput. Ilaqutariit attaveqaatillu namminneq pilersaarusiortillutik misigisarput annertunerusumik piginnittuullutik aamma pilersaarusiap piviusunngortinnissaanut atatillugu", Maria Forberg nassuiaavoq.  

Ilaqutariinni siunnersioqatigiinneq neqeroorutigineqarsinnaavoq, meeqqap peqqissusaa, alliartornera ineriartorneralu isumannaraangat navianartoqaraangalluunniit. Periutsimi ilaqutariit aamma ilaqutariit ajornartorsiutillit tamarmik nukissaqartarnerat tunngavigineqarpoq.

Periusissiaq ilaqutariit iluanni allannguuteqarnerit annertuut atuutsillugit atorneqarluarsinnaasuuvoq, soorlu avinnerit toqukkut qimagaanerit kisiannili aamma inuusuttunut naartusunut, angajoqqaat toqukkut qimagunneranni napparsimalerneranniluunniit, meeqqap angerlarsimaffiup avataanut inissinneqarnerani, meeqqap angerlartinneqarnerani, aamma meeqqap atuarnera patajaatsoq qulakkeerniarlugu. Ilaqutariinni siunersioqatigiinnerup meeqqap pisumi tassanerpiaq pitsaanerpaamik isumagineqarnissaata qularnaarneqarnissaanik