Nuuk Nordisk: Isikkivik

Nuuk Nordisk kulturfestivalimut atatillugu Makka Kleist kisimiilluni isiginnaagassiamik blok 2-imi fritidshjemmikumi takutitsivoq.

Makka Kleist isiginnaariat alutornarluinnartumik tiguartinnartumillu oqaluttuuppai kalaallit 60´ikkunni 70´ikkunni nunaqarfimminniit nuutitaagamik suut aqqusaarsimaneraat.

Isiginnaagassiaq aappariinnut nunaqarfimmiit nuummut blokkinut inissianut nuutitaasimasunut tunngavoq. Inuunerisimasaat eqqissisimasoq suliassanillu pilinermik imaqarluartoq, inuuneq nutaaliaanerusumut sanilliunneqarpoq.

”Siullermik ullut tamaasa uffartarpunga, errorsisarlungalu, imermi asaffikkut kuuinnartuummat, taavalu fjernsyneq: tassani paasivara feeria qanoq isumaqarnersoq”, Makka Kleist oqaluttuarpoq.

Isiginnaagassiaq misigissutsinik imaqarluartoq, isiginnaartunut paasititsivoq qanga nuutitat misigissutsit sakkortuut aqqusaagarisimagaat.

”Aqagumut aallartussaalluta iliviutigut suliariartorpakka, angajoqqaama meeqqattalu pingasut ilivii, iliviisa sinai ujakkanik kusassarpakka, takusinnaavaralu allat aamma taamaaliortut, kusassarusuppavummi aallaruttami alakkarnissaarussapput”, Makka Kleist qullipilluni oqaluttuarpoq.

Isiginnaagassiaq sapaatiuppat tungaanut blok 2-imi takuniarneqarsinnaavoq.