Qaqisa tassaavoq ilitsersuut nutaaq elektroniskiusoq aamma atuakkiaq meeqqat atuarfianni aamma suliffeqarfinni sakkussanik imalik
QAQISAp pingaarnertut siunertaraa, meeqqat atuarfianni angajullerni atuartut meeqqat atuarfiannit soraarummeernermik kingorna ilinniaqqiffinnik nangitsinissaannut kajumissaataasoq. Ilitsersuut ima suliarineqarpoq, atuarfiit suliffeqarfinnik suleqateqarlutik paasisitsiniaanermi ingerlatsinerup immikkoortuinik tamaginnik ilitsersorneqarsinaanngorlugit. Ilitsersuummi sammisassat suliarinerisigut atuartut atuarfiup/suliffeqarfiit suleqatigiinnerat aqqutigalugu maligassiuisunik pilersitsissapput aamma inuussutissarsiornermik ingerlatsivinnik paasisaqarlutik, taamaaliornikkullu ilinniagassatut toqqagassaminnik pitsaanerusunik tunngavissaqalerlutik.
Ilitsersuut suliarineqarpoq perngaammik suliniut ”Suliffeqarfiit atuarfinnut – atuarfiit suliffeqarfinnut” tunuliaqutaralugu kiisalu nunatsinni atuarfiit aamma inuussutissarsiortut siunnersueqatigiinnerisigut. Perngaammik suliniut pillugu nalilersuinermi ilaatigut makku paasineqarput:
– atuarfiit aamma inuussutissarsiortut oqaloqatigiinnerat suleqatigiinnerallu malunnaatilimmik pitsanngoriarpoq
– atuartut suliffeqarfinni ulluinnarnik suliassanik aamma uppernarnerusunik paasisaqarput
– atuartut sulinermik inuussutissarsiorneq, sulinermi atugassarititaasut, suliffeqarnermi qaffakkiartorneq aamma ilinniarfissatut aqqutissat pillugit ilisimasaat qaffariarput
– atuartut siornatigut qinnuteqartartunut naleqqiullutik ilinniagassatut toqqaanerminni tunngavigissaqarnerulerput
Perngaammik suliniummi paasisat tunngavigalugit ilitsersuummik elektroniskiusumik suliaqartoqarpoq, atuarfiit-suliffeqarfiillu suleqatigiinnerat aqqutigalugu atuarfiit qanoq iliorlutik suliaqarsinnaanerannut tunngasumik. Ilitsersuut tamanit atorneqarsinnaavoq aamma CSR Greenlandip nittartagaani uunga iserluni pissarsiarineqarsinnaavoq: http://www.csr.gl/