Nuummi najukkami ataatsimiititaliamut qinigassanngortigit  – illoqarfivit sumiiffimmilu inuiaqatigiit ineriartornerinut sunniuteqaqataallutit!

Nuup ineriartorneranut sunniuteqaqataarusuppit? 16-inik ukioqalereersimavit? Nuummi najugaqartutut nalunaarsimavit?

Taava illoqarfiit pingaarnersaata ineriartorneranut sunniuteqaqataanissannut periarfissatsialak aana. Nuuk najukkami ataatsimiititaliaqassaaq – illillu ilaasortat qulit akornaniilersinnaavutit, suliniutinik aaqqissuussanillu peqqinnerup, angallannerup, timersornerup, atuarfeqarnerup, meeqqanut, utoqqarnut, kulturimut sunngiffiullu iluani pilersitseqataasoq.

Najukkami ataatsimiititamut qinersineq innuttaasunik ataatsimiititsinermi ataasinngornermi septembarip ulluisa 17-iani nalunaaqutaq 19-21 Katuami pissaaq.

Qinigassanngortinnerit kingusinnerpaamik septembarip ulluisa 14-iani nalunaarutigissavat. Nalunaarnermut immersugassaq sermersooq.gl-imi nanisinnaavat.

Annertunerusumik paasisaqarusuppit?
Sermersooq.gl-imi paasissutissanik allanik pissarsisinnaavutit imaluunniit najukkami ataatsimiititanik ataqatigiissaarisartoq Jill S. Hellesen attavigisinnaavat uunga: jish@sermersooq.gl  imaluunniit oqarasuaammut: 36 70 25.