Immikkoortortami pisortaq tikilluaqquneqartoq

Hjørdis Vibergip Tasiilami immikkoortortami pisortanngorneranut atatillugu Kommuneqarfik Sermersooq tikilluaqqusilluni Tasiilami suleqataasunut tamanut ullaap tungaa timersortarfimmi ullaakkorsiortitsivoq.

Pisortanngortoq 54-nik ukioqarpoq, ukiuni kingullerni arfinilinni najugaqarfigisamini Tasiilami Filatiliami tunisassiornermut pisortaasimasoq. Hjørdis Viberg aqutsisutut allaffissornermilu sulinermik ilinniagaqarpoq, allakkeriveqarnerullu iluani piffissami sivisuumi aqutsisutut sulisimalluni.

Hjørdis Viberg uini erninilu marluk ilagalugit Tasiilami najugaqarpoq. Sunngiffimmini illoqarfimmi peqatigiiffinni arlalinni suleqataalluarpoq. Tasiilami Red Barnetimi aamma Kalallit Røde Korsianni siulersuisuni ilaasortaavoq aamma butiksrådetimi atuarfiullu siulersuisuini siulittaasuulluni.