Inuusuttut kommunalbestyrelsiat ulluni pingasuni Nuummi ingerlanneqarpoq. Sammisat assigiinngitsut sammineqarput. Inuusuttut ulluinnarni atugaat eqqartorneqarput. Ulluni taakkunani inuusuttut imminnut qanillipput kammalaatitaartorlutillu.
Inuusuttut kommunalbestyrelsianni ilaasortat siunnersuutinik assigiinngitsunik eqqartuipput kingornalu taasissutigivaat siunnersuutit sorliit Kommuneqarfik Sermersuup kommunalbeatyrelsiannut saqqummiutinneqassanersut.
Siunnersuutit taaneqarnerpaat ualerulu saqqummiunneqartussat tassaapput:
- Arsaattarfinni målit nutarternissaat. Målit atorluarneqartarput amerlanerilli seqummakuullutik.
- Atuarfiit akornanni unammineq, fagini assigiinngitsuni. Ajugaasut oorinnassapput oorillu studierejsemut atorneqarsinnaapput.
- Meeqqat sumiginnakkat ingerlaannaq ikiorneqartarnissaat, nunaqarfinni illoqarfinnilu.
Unnummut inuustuut Inuk hostelimi nereqatigiillutitk naggataarnersioqatigiissapput.