Paasissutissiineq: Nuuk Centerip allilerneqarnissaanut siunnersuut

Nuuk Centerip allilerneqarnissaa pillugu pilersaarusiornermut siunnersuut kommunip paasisaa tusarusuppiuk? Pilersaarusiaq pillugu paasissutissiilluni ataatsimiittunut peqataagit.

Katuami kammagiit inaanni pingasunngorneq oktobarip ulluisa pingajuat nal. 19-21 ataatsimiissapput.

Pilersaarusiamik piginnittoq taassumalu siunnersuisua pilersaarutitut siunnersuut pillugu nassuiaateqassapput, piffissarititaq ingerlariaqqinnissaalu ilanngullugu oqaluttuaralugu, taavalu Kommuneqarfik Sermersuumiit pilersaarusiornermut inatsisip allanngorneranut tunngasoq kiisalu siunnersuummut tusarniaanerit kingulliit paasissutigineqassalluni.

Tamassuma kingorna pilersaarusiaq pillugu inatsimmullu tunngasut pillugit apeqquteqarnissamut periarfissaqassaatit.

Ataatsimiinneq Kommuneqarfik Sermersuumi Illoqarfimmik Inerisaanermut Immikkoortortamit aaqqissuunneqassaaq.

Nuuk Centerip allilerneqarnissaanut tunngasoq
Pilersaarusiukkamut siunnersuut inuussutissarsiornermut, atugassanik pisiniarfik, neriniartarfik/café minnerunngitsumillu inissianut tunngavoq Tamatuma saniatigut pilersaarusiami kikkulluunniit aneerfigisinnaasaat kiisalu biilinut uninngasarfik qulisaq suliarineqassapput. Inissiat taakku 66-t ilaat inissiaapput utoqqarnut tulluarsakkat ilaalli inissiaallutik nalinginnaasut – tamarmik aneerasaartarfeqarput.

1.895 kvadratmeteri allaffinnut inuussutissarsiornermullu atugassaapput – ilaatigut neriniartarfik/café silami sassaalliisoqarsinnaalluni. Centerip allilerneqarnissaanut siunnersuut tunngaviusumik 3.000 kvadratmeterisut angitigaaq.

Aaqqissuussaq oqalutseqarluni ingerlanneqassaaq.