Chip-ip nakkutigissavaa qanga kingullermik eqqagaatitit aaneqarsimanersut

Eqqaavilerinermi illoqarfiit pingaarnersaanni atortup nutaap nalunaarsussavaa qanga kingullermik eqqaaviit imaarneqarsimanersoq.

Nuuk Transport, Kommuneqarfik Sermersuup eqqagassalerisuata maannakkorpiaq eqqaavimmut naateqqavippit iluani chipi nipputtartorlu ikkussuleruttorpaat. Taamaaliorput, Nuuk Transport aamma Kommuneqarfik Sermersuup igitassaatitit qanga kingullermik aaneqarsimanersut malinnaavigerusullugu.

Atortoq atuleriarpat eqqakkanik aallertup imaarsinerit tamaasa chipi takusinnaasassavaa. Matuata ataani nipputsittakkami najukkat allassimassaaq qangalu imaarneqarnera ilanngullugu.

”Eqqaavilerinermi nutaamik qularnaarneqassaaq qangarpiaq kingullermik eqqagassaatitit aaneqarsimanersut. Isumaqarpoq, eqqakkanik aallertoqarsimanngippat sukkanerusumik takusinnaaniassagatsigu. Nuummi eqqaavimmut naateqqavillit nalinginnaasumik pitsaanerusumik eqqagassatigut isumagineqartalissapput,” taama oqarpoq Mia Nielsen, Nuummi eqqagassalerinermi siunnersorti. 

Atortoq nutaaq sapaatit-akunnerini aggersuni atuutilersinneqassaaq.

Pilersaarutit malillugit igitassaatitit aaneqanngitsoorsimappata, imaluunniit eqqakkanut tunngasunik nalinginnaasumik apeqqutissaqarpit? Attavigiuk Nuuk Affaldscenter oqaras 36 74 11 imlt. affald@sermersooq.gl.