Ataasinngornermi septembarip 17-iani Nuummi Najukkami Ataatsimiititaliamut ilaasortat siulliit qulit qinerneqassapput.

Qinersineq ataasinngornermi septembarip 17-iani  nal. 19-21 Katuami ingerlanneqassaaq. Nuummi najugaqartutut allaqqasut 16-ileereersimasut tamarmik qineqqusaartunik qinersisinnaapput.

Taasineq nal. 20.30 naammassissaaq.

Katuamut qinersiartoruit qineqqusaartunut assigiinngitsunut marlunnut qinersivissannik tunineqassaatit. Qinersineq qinersivissanut allannikkut ingerlanneqassaaq allanullu paasitinneqartussaanani.

Qineqqusaartut qulit qinerneqarnertik illoqarfiullu immikkoortuani suminngaaneernertik malillugu toqqarneqassapput – Nuuk Qeqqanit, Nuussuarmit Qinngutsinniillu.

Illoqarfiit immikkoortuinit qineqqusaartunit qinerneqarnerpaat siulliit marlukkuutaarlutik Najukkamut Ataatsimiititaliamut ilaasortanngortinneqassapput.

Najukkami Ataatsimiititaliami ilaasortat sisamat sinneruttut qinerneqarnerpaanerit malillugit inuttalerneqassapput.

Illoqarfiup immikkoortortaanit qineqqusaartunit marlunnik peqanngippat – qineqqusaartuni sumiluunniit najugaqaraluartut qinerneqarnerpaat – Najukkami Ataatsimiititaliamut ilaasortanngussapput.

Innuttaasut illoqarfimmi immikkoortunit pingasunit tamani Najukkami Ataatsimiititaliami sinniisoqarnissaat qulakkeerniarneqarpoq.

Nuummi najukkami ataatsimiititaliaq Nuummi suliniutinut ukiumut 4 millioner koruunit missiliorlugit atugassaqartinneqarput. Najukkami ataatsimiititaliaq tusarniaaffigineqartartussaavoq suliani Nuummut tunngasuni tamani, aamma Kommuneqarfik Sermersuumi kommunalbestyrelsimut siunnersuuteqarnissaminut periarfissaqarpoq.

Ataasinngorneq septembarip 17-iani Katuami nal.  19-21 takussaagut!

Qinersineq pillugu paasisaqarnerugit

Sukumiinerusunik paasissutissanik pissarsiniarfigineqarsinnaasoq:
Najukkami ataatsimiititalianik ataqatigiissaarisartoq Jill S. Hellesen
E-mail: jish@sermersooq.gl
Oqarasuaat: 36 70 25