Marlunngormat nalunaarutigineqareersutut Kommuneqarfik Sermersuup ullumi umiatsiat 20 fodimit takinerusut, Nuummi elværkip eqqaani Sarfaannguaniit peerpai. Umiatsiat akuerisaanngitsut, 20 fodimit takinerusut, anorlernerani puttasut kaanngarsimanerannut peqqutaasimasut, kommunip piiarpai. Umiatsiat piginnittunut akiligassanngorlugit piiarneqarput.
Illit umiatsiat peerneqarsimappat, inissiivissamut akuersissummik piniarnissaq nammineerlutit isumagissavat.
Sarfaannguani umiatsiat sinneri aqagu sisamanngornermi piiarneqassapput. Ilanngullugu paasissutigineqassaaq Kangerlukasik Avannarlermi umiatsiat 20 fodimit takinerusut puttasunit aamma piiarneqassammata.
Attaveqarfissaq
Agnes Olsen, Kommuneqarfik Sermersooq, agno@sermersooq.gl