Sarfaannguani elværkip eqqaani angallatit peerneqassapput

Unnuaq anorersuarnerani Nuummi Sarfaannguani puttasuliat pituussaarsimapput. Takinerpaaffissatut akuerisaasumit 20 fodsimit takinerusunik umiatsianik pitussimasoqarneranik tamanna peqquteqarpoq.

Taamaammat Kommuneqarfik Sermersuup umiatsiat unioqqutitsilluni pitunneqarsimasut sukannersumik iliuuseqarfiginialerpai.

”Umiatsianik piginnittut ullumi ulloq umiatsianik nuussinissaminnut periarfissinneqarput. Aqagu nuunneqarsimanngitsut nuussavagut, inuttaata akisussaaffigisaanik,” Kommuneqarfik Sermersuumi ingerlatsinermi avatangiisinullu pisortaq Frank Rasmussen oqarpoq.

Umiatsiat nuunneqanngitsut sumut ilineqassanersut Kommuneqarfik Sermersuumit misissorneqarpoq.

P.S. Assi toqqortaatininngaannerpoq.