Illoqarfitsinni sunnioqataarusuppit?

Sunngiffinni nuannarisannik pikkoriffeqarlutit sammisaqartaruit periarfissaqarputit Kommuneqarfik Sermersuummi sungiffimmi atuartitsinermi atuartitsisarnissannut.

Atuartikkusutatit meeraagaluarpata inersimasuugaluarpataluunniit sammisassaqartitsinerup ingerlannissaata qanoq aaqqissorneqarnissaa illit periarfissat aallaavigalugu pilersaarusiorneqarsinnaavoq. Sapaatip akunnikkaarsinnaavoq, piffissaq sivikitsoq atorneqarsinnaavoq assersuutigalugu arfininngornermi ullup ilaa sammisaqartitsinermi, imaluunnit meeqqat atuanngiffeqarnerini nalaani – periarfissat arlaqarput illit apeqqutaavutit.

SAMMISASSAQARTITSINERIT SUUSINNAANERINIK ASSERSUUTIT:
Qiperuineq
Titartaaneq
Assiliisarneq
Qalipaaneq
Nipilersortitsineq
Umimmaap qiviulerineq
Oqaluttualiorneq
Taalliorneq
Assassorneq
Ammerineq
Qilaatersorneq
Qilaasiorneq
Atoqqiilluni eqqumiitsuliorneq
Atoqqiineq
Aneerasuartarfik naatsiiveeranngortillugu
Ululiorneq/saviliorneq
Filmeeraliorneq

Sunngiffimmi atuartitsineq aaqqissorneqarsinnaavoq naliginnaasumik, nipilersornermik imaluunniit ulluinnarni atortariaqakkat pillugit atuartitsinertut, aamma ilinniagaqaqatigiinneruusinnaavoq imaluunniit oqalugiartoqarnerit periarfissaapput.

Nammineq isumassarsiaqaruit sammerusussinnaasannik saaffiginninnissannut tikilluaqquatsigit. Sunngiffimmi atuartitsisut akissarsiaqartarput, atuartitsinermilu atortussat Kommuneqarfik
Sermersuummiit isumagineqartarlutik. Illoqarfimmi sunngiffimmi atuartitsineq pilerinarsaaqataaffigiuk.

Saaffigitigut kingusinnerpaamik:
10. august 2018.

Avaaraq Olsen
Perorsaanermut Siunnersorti
Tlf. 36 60 81
sunngiffik@sermersooq.gl