Paamiuniit assit eqqumiitsuliat

Paamiuni Atuarfik Tuiisami 9. klassimi atuartut paasisassarsioriartorlutik Nuummut angalasimapput.

Lokalmuseetimi pisortaq, Vinni Sølvblad, nammineq aamma Paamiuni ukiuni amerlasuuni najugaqarsimasoq, tusaramiuk ingerlaannaq 9. klassimi atuartut aggersarneqarput Kulturikkut Isumassarsiorfimmut peqataanissaannik Nuumminnerminni.

Tamanna pivoq Susanne Jensen, Iluliami piginnittoq aaqqissuussineranut Lokalmuseetimi juni pingajuanni.

Qulequtaavoq: ”Nammineq assernik sanagit, maannakkut isikkut, qangatuullu isikkoq atorlugit.”

Atuartut imminnut assilisaarlutik aallartipput, taassumallu kingorna Susanne ikiortigalugu alutornartunik eqqumiitsuliatut assit suliarineqarlutik.

Aallaqqaammut atuartut ittuulaarput, kisianni aallartikkamik tiguartisimalerput isumassarsiorlutillu akunnerit sisamat iluanni, ulloqeqqasiornermi kisimi unitsinneqarlutik.

Suliaasa ataatsimut inernerat eqqumiitsuliaapput kinaassuseqangaatsiartut, tassuunakkut atuartut takutippaat allatut soqutiginartutullu suliatik. Eqqumiitsuliatik atuartut angerlamut nassarpaat.