Inuusuttut kommunalbestyrelseat ukiaru siullerpaamik ataatsimiilerpata peqataassapput
Qanittumi Paamiuni inuusuttut kommunalbestyrelseannut qinersisoqarpoq, qinigaappullu Sandra Jensen 7. a-mi atuartoq kiisalu Helge Josefsen 6. a-mi Atuarfik Tuiisami atuartoq.
Illoqarfinni meeqqat atuarfiannit/friskolemit tamanit atuartut marluk kiisalu nunaqarfinni aqutsisoqarfiusuni tamani atuartut marluk qinerneqartassapput.
Inuusuttut kommunalbestyrelsiannut ilaasortat inuusuttut kommunalbestyrelsiata ataatsimiinnissaannut oqaluuserisassanik siunnersuuteqartassapput, taakkulu kingorna kommunalbestyrelsimut siunnersuutitut ingerlateqqinneqartassallutik.