Kommuneqarfik Sermersuumi Kommunalbestyrelsip 5. juuni 2018 ataatsimiinnermini »Kommunimut pilersaarummut tapiliussaq 4E2-1 Niaqornannguaq « akuersissutigaa.

KOMMUNIMUT PILERSAARUMMUT TAPILIUSSAP SIUNERTAA
Kommunimut pilersaarummut tapiliussaliornikkut antenneqarfiliornissamik periarfissaqalersitsinissaq siunertaavoq. Antenneqarfik qaammataasaq aqqutigalugu internetimik sukkanermik nunarsuup sinneranut attaveqalernissamut iluaqutaassaaq. Sukkasuumik internitikkut attaveqarneq akikitsumik kiffartuussissutaassaaq, taannalu nunarsuarmi sumiikkaluaraanniluunniit iserfigineqarsinnaassaaq, illoqannginnersaniluunniit. Ingerlatsiviup pineqaatissinneqarsimasunut inissiisarfissap avannaatungaani sanaartorfissanik marlunnik atortutigut pilersaarusiornermilu
periusissamut tulluartumik tikkuaasimapput. Sumiiffik kommunimut pilersaarummut atuuttumut teknikkimut atortulersuutinut atugassatut inniminnigaavoq.

Antenneqarfiup aaqqissuusaanera periarfissaqarneralu pinngortitarsuarmut Quassussuup avannaatungaaniittumut sumiiffimmullu sanaartornissamut pilersaarutaasunut tulluartuutinneqarpoq.

Kommunimut pilersaarummut tapiliussami timaani aqquteeqqat pioreersut qulakkeerneqassaaq Kuannninnguanut Nuullu timaanut sukisaarsaartarfiit akornutissaqanngitsumik aqqusaarneqarsinnaanissaat.

INATSISITIGUT ATUUTSITSINEQ
Kommunimut pilersaarutip imaluunniit kommunimut pilersaarummut tapiliussap akuersissutigineqarnera tamanut nalunaarutigineqareerpat, Pilersaarusiornermut inatsimmi
§ 30 innersuussutigalugu kommunimut pilersaarummi aalajangersakkanut naapertuutinngitsunik inatsisinut naapertuutinngitsunik imaluunniit pissutsinik allanik pilersitsisoqassanngilaq.

AKERLILIISSUMMUT ILITSERSUUT
Kommunalbestyrelsip aalajangiinera pillugu akerliliissuteqarusukkaanni, tamanna Naalakkersuisunut saaffiginnissutigineqassaaq:

NAALAKKERSUISUT,
Aningaasaqarnermut Akileraartarnermullu
Naalakkersuisoqarfik,
Nuna tamakkerlugu
pilersaarusiortarnermut
immikkoortortaqarfik,
Postboks 1037, 3900 Nuuk.

Akerliliissummi saqqummiussap uuma saqqummiunneqarneraniit sapaatit akunneri arfineq pingasut qaangiutsinnagit tunniunneqareersimassaaq.

PILERSAARUT UANI TAKUNEQARSINNAAVOQ
Kommunimut pilersaarummut tapiliussaq kommunip nittartagaani sermersooq2028.gl, kommunimi innuttaasunik sullissivimmi imaluunniit Sanarfinermut
Avatangiisinullu ingerlatsivimmut oqarasuaammut 36 74 00-imut sianerluni saaffiginninnikkut pineqarsinnaavoq.

KOMMUNIMUT PILERSAARUMMUT TAPILIUSSAQ 4E2-1

PDF