Tasiilami illu B-407: Eqqaamasannik assiutinnillu avitseqatigiiffigitigut

Tasiilami B-407 pillugu qanoq eqqaamasaqarpit? Illu taanna pillugu Kommuneqarfik Sermersooq assinik eqqaamasanillu katersivoq.

Tasiilami inuusuttut illussaannik nutaamik sanasoqartussaammat B-407 Kommuneqarfik Sermersuumit isaterneqarpoq. Tasiilami inuussuttut qitinnermik, nipilersornermik, nutaaliorsinnaanermullu sungiusarfigisinnaasaminnik kulturikkut illorsuartaassapput. Tunumi kulturikkut kinaassutsikkullu kateriffik.

Illu qasertoq B-407 tassaavoq illoqarfimmi najugaqartut misigisanik nuannersunik eqqaamasaqarfigilluagaat. Illulu Tasiilamiittoq isaterneqalermat Kommuneqarfik Sermersuup kommunip Facebookiatigut assimut ikkussamut allattartut tamanna ersersippaat.

Taamaattumik Kommuneqarfik Sermersooq illu atorluarallarmat assinik oqaluttuanillu tassannga pisunik katerserusuppoq. Illit eqqaamasat nuannernerpaaq pikkunarnerpaarlu sunaava? Aamma illumut tassunga tunngasumik assiuteqarpit allanut takutikkusutannik?

Assiutit imaluunniit oqaluttuassat inuusuttut kulturikkut illuanik aqutsisumut Mia Skifte Lynge-mut nassiuguk, taamaalilluni B-407 pillugu oqaluttuassartaa ingerlaqqinniassaaq.

Oqaasertanik assimilluunnit uunga nassiussigit:
Mia Skifte Lynge
misl@sermersooq.gl

Mailikkut nammineerluni akisartoq akigaluarpalluunniit, nassiussat tiguneqarpoq. Aasap ingerlanerani uterfigiuumaarparput.