Royal Run: Royal Run-imi arpatsitsinermi assit takukkit

Nuummi Kunngissaq Frederik hunnorujut affaannik ukioqalernera nalliuttorsiutigineqarpoq, ilaqutariinnut arpatsitsineq Royal Run aaqqissuunneqarluni.

Kunngikkormiutut Ataqqinassusilik Kunngissaq Frederik 26. maaji 50-nik ukioqalissaaq.  Qallunaat Nunaanni Kunngissamit inuppassuarnillu arpattunit illoqarfiit annersaanni tallimani ulloq malunnartinneqarpoq.

Nuummi Kunngissaq Frederik najuutinngilaq.  Akerlianillu meerarpassuit inersimasullu peqataapput, arpakkusuttut imaluunniit pisuinnartut 3,5 kilometerimik Kunngissaq Frederik nalliunnera malunnartippaat.

Borgmesterip Asii Chemnitz Narupip arpanneq aallartippaa, Hinnarik Nipilersornermillu Ilinniarfik meeqqanut inersimasunullu biilinut unittarfimmi Kommuneqarfiup Allaffiata saavani aliikkusersuipput.

Amerlasuut Kunngissaq Frederik nalliunnerani pilluaqqullugu allapput, meerarpaaluillu namminneq kunngip- prinsessellu niaqorutaannik sanapput.