Kommuneqarfik Sermersuup qimminik qitsunnillu angalaannartunik pisarineqartunik Uumasut Ikinngutaannukaanneqartartunut Nuummi uumasut/Donnas dyreklinik-kimukaanneqartutartunullu suleqatigiinnissamik isumaqatiginnippoq.
Isumaqatigiissuteqarnikkut uumasuutigineqartut peqqissuunissaat inuulluarnissaallu qulakkeerneqassasoq.
Uumasunik suliaqartartunik suleqateqarneq uumasuutillit suleqatiginerinik attaveqarfiginerinillu pitsanngorsaajuarnissamik siunertaqarpoq.
Taassuma saniatigut kommunip Nuummi Uumasut/Donnas Dyreklinikimik suleqateqarnini annertusivaa tassani eqqartorneqarmat qimminik nakkutilliinermik suliaqarneq, tassungalu atatillugu qinnuteqartunut akuersinerit kapitinnernullu nalunaarsuinernut, chipilersuinernut, piaqqiorsinnaajunnaartitsinerillu assigisaallu inatsit naapertorlugu toqqortaatigineqalerput.
Pisarinninnermi akit
Qimmiutit qitsuutilluunniit qimmilerisumit internatimut tunniunneqarsimappat uumasuutivit tigoqqinnissaa akeqassaaq.
Tunniunneqarfianiit ullormut 100 koruuneqarpoq. Aningaasat nerisassaanut, imermut uumasullu paaqqutarinissaanut akiliutigineqassapput.
Ingerlatsinermut Avatangiisinullu Ingerlatsiviup uumasuutillit tamarmik najukkamik piginnittumilluunniit piginnittuujunnaarnermulluunniit assigisaanillu allannguinerit allakkatsigut ornigulluniluunniit saaffiginninnikkut nalunaarutigeqquai.
Attaveqarfissaq
Kommuneqarfik Sermersooq
Innuttaasunut Sullissivik e-mail: innuttaasunut@sermersooq.gl