Qimmiaraatitaarnissannut imaluunniit qitsuaraatitaarnissannut piareersimavit?

Takukkit suut misissoqqaassalerlugit aalajangertinnak.

SUUT SIULLERTUT ISUMANNAAQQAARTARIAQARPAKKA?
Siullertut isumannaassavat qimmiaraq minnerpaamik sapaatip akunneri 8-nik taamatuttaaq qitsuaraatit sapaatip akunneri 12-nik utaqqaatigilereersimanissaat qulakkiissagakku. Tullissaatut qinnuteqaateqarit uumasuuteqarsinnaanermut akuersissummik immersuinikkut. Immersugassaq Rådhuse-mut saaffiginninnikkut imaluunniit nittartagaq sermersooq.gl. Atorlugu uunga nassiuguk: innuttaasunut@sermersooq.gl.

KINA AKUERSISSUMMIK SANASARPA AAMMALU KIKKUT AKUERSISSUMMIK PISINNAAPPAT?
Kommuneqarfik Sermersooq-mi akuersissutinik tunisisarput soorlu makkunannga siumoortumik peqareersut uppernarsaasinnaasunullu; piaqqiorsinnaajunnaarsimanermut, chip-lerneqarneranut, kapitinnermut aammalu uumasuuteqarnissamut qinnuteqaat inigisami/inissiaatileqatigiinnilu akuerineqarsimanermut uppernarsaasinnaasunut. Tassani tunuliaqutaapput malittarisassat aalajangersakkat innersuussutit piumasaqaataasullu uani takukkit: sermersooq.gl

Maluginiaruk:Aalajangigaq malillugu atuutsinneqarpoq innuttaasutut Kommuneqarfik Sermersooq-p ataani najugaqartut nuunnermi allattorsimanissaq aammalu uumasuuteqarnissamut akuersissummik peqareersunut.

QANORMITA AKEQARPA UUMASUUTEQASSAGAANNI?
Ilisimaneqareersutummi akikitsuunngilaq uumasuuteqarneq. Siunissaq isigaluni annikinngeqaat naatsorsuutigineqartut qinnuteqaateqarnermi. Piumasaqaataavorlu qimmimut perlerornermut napparsimanissamullu akiuussutissanik kapitissimanissaa, chip-ilernissaa, piaqqiorsinnaajunnaarsimanermut arnaviaappata isumannaarneqareersimassasut. Saniatigut kukiiartinnerit, kigutaasa salittarnissaat, qimminut nerisassat allarpassuillu nammineq akiligassat akigititaasut ullumikkut uani takukkit donnasdyreklinik.gl.

QIMMERA IMALUUNNIIT QITSUUTIGA QIMAASOORUTIGAARA TAAVA SUSOQARTARPA?
Tamatigut uumasut qimaasimasut qimmilerisumik tigusarineqarsimasullu Kalaallit Nunaanni Uumasut Ikinngutai-nut tunniunneqartarput. Inuttassarsiunneqartarput una takujuk sermersooq.gl (Nalunaarutit) kommunep nittartagaa atorlugu aaneqanngippallu 72 tiimit iluanni uumasoq toqunneqassaaq imaluunniit Kalaallit Nunaanni Uumasut Ikinngutaasa akissussaaffigilissavaat qanoq pineqassanersoq uumasumik piginnittoq attaviginngikkaluarlugu.

UANGA QANOQ ILIUUSEQARSINNAVUNGA?
Tamatigut iluaqutaasarpoq Facebook aqqutigalugu uumasunik ujartuiffik atorlugu. Aamma nittartakkat sermersooq.gl aamma Kalaallit Nunaanni Uumasut Ikinngutai takusinnaavat. Paasigukkulu uumasuutit ajunngitsoq aanissaanut isumaqatigiissusiorfigikkit. Ammarsarfiit takukkit donnasdyreklinik.gl Eqqaamasassatit aallileruit uppernarsaatit uumasuutinnut tunngasut soorlu ukuusut: Akuersissut uumasuuteqarnissamut qimmimullu perlerornermut akiuussutissamik kapitissamaneranik uppernarsaatit aammattaaq 100,- ullormut unnuinermi akigititaasoq nassassagakkit. Taakkulu nassarneqanngippata kommune-i Uumasullu nakorsiartarfianut attaviginninnikkut pinasuartumik isumagititssinnaavatit.

UUMASUMIK PAARSINERLUNNEQARTUMIK – ILIMATSAASSAQARPUNGA UUMASUMIK NAALLIUTINNEQARTUMIK
Paasigukku uumasoq naalliutsinneqartoq pilertortumik politiit attavigissavatit. Ilimatsaassaqaruillu paarsinerluttumik kommune-mut sianerlutit imaluunniit saaffiginninnikkut taanna pisinnaavoq. Sisamap kingorna sapaatillu akunnerata naanerani pilertortumik sianerfissat piareersimasut ukuusut mobil nr. 56 61 49 imaluunniit 38 13 13 attavigineqarsinnaapput.

UUMASUUTIGALU ANGALANIARPUGUT QANOQ ILIUSSAANGA?
Aallartinnak kommuneqarfik nunatta iluani illoqarfiup tikiffissavit allaffeqarfianut paasiniaagit qanoq inatsiseqarnersullu paasiniaaffigalugit.

Nunarput qimallugu angalassaguit Kalaallit Nunaata Sinniisoqarfia København-miittoq attavigiuk ugguuna: ghsdk.dk Innersuupparpullu Air Greenland-mi paasissutissanik aallerfigisinnaasannik saaffiginnittarfianut attaviginneqqullutit angalalermi pilersaarusiorluarnissat angorusukku.

PDF