Utoqqalinersiaqarneq pillugu malittarisassat nutaat atuutilerput

Malittarisassat malitsigisaannik utoqqalinersiassat maannakkut inuit ataasiakkaat isertitaannit tunngaveqalissapput, taamaalilluni inuit tamarmik ukiumut 221.111,00 koruunit ataallugit isertitallit tamakkiisumik tunngaviusumik aningaasat tamarmiusut ukiumut 59.900 koruuniusut utoqqalinersiuteqalersinnaanngussallutik, aamma aappaqarunik aappaasut suli suliffeqaraluarpataluunniit.

Qinnuteqartoq 221.111 koruunit sinnerlugit isertitaqarpat, utoqqalinersiutit naatsorsuereernikkut tunngaviusumik aningaasartai apparneqassapput.

Utoqqalinersiaqalernissamik qinnuteqaateqarit
Innuttaasoq siusinnerusukkut utoqqalinersisarsimanngitsoq malittarisassat nutaat malillugit utoqqalinersiaqalernissamik qinnuteqaateqassaguni qinnuteqaateqarnissamut immersuiffissaq nammineq immersussavaa. Tamanna NemID atorlugu ajornannginnerusarpoq, tamatumani immersuiffissaq nittartakkatigut www.sullissivik.gl-ikkut immersorneqarsinnaavoq, kisianni immersugaq najugarisami Innuttaasunut Sullissivimmut imaluunniit nunaqarfimmi allaffimmut toqqaannartumik nassiunneqarsinnaavoq, soorluttaaq immersugaq ammasarfiit nalaanni nammineerluni takkunnikkut tunniunneqarsinnaasoq.

Utoqqalinersiaqarneq pillugu Inatsisartut inatsisaat nr. 20, 23. november 2015-meersoq uani takuneqarsinnaavoq:

http://inatsisit.gl/Lov?rid=%7bFAE6E21F-0B2F-4281-BEE0-6E2403165BDB%7d&sc_lang=kl-GL

naqqiuterlu: http://inatsisit.gl/kl-GL/Lov?rid={ACC99C87-8408-40A0-8137-044F07C35EBA}

Isumaginninnermut Inuutissarsiornermut Sulliffeqarnermullu Ingerlatsivik
Imaneq 34, Postboks 1005, 3900 Nuuk
Oqarasuaat +299 36 80 27 (Ataasinngorneq-tallimanngorneq nal. 9-11)