Apriilip 24-anni qinersinissamut killiliussat takukkit, nalunaaruteqarnissamullu immersugassat pissarsiaralugit.
Qinersinermut ataatsimiititaliap pisortatigoortumik nalunaarutigaa, apriilip 24-anni Inatsisartunut qinersisoqassasoq.
Inatsisartunut qinersinissamut kommunimi qinersinermi siulersuisunut qinigassanngortittunik nalunaaruteqassaatit kingusinnerpaamik marlunngorneq apriilip pingajuat nal. 12.00.
Qinersinermut inatsimmi § 12-14 naapertorlugit inuit qinersisinnaatitaasut Inatsisartunut qinigassanngortissinnaapput partii sinnerlugu, ataasiakkaatut imaluunniit kattusseqatigiinni ataasiakkaatut. Partiip avataani qinigassanngortinniaraanni qinigassanngortitsillutik atsiortut ikinnerpaamik 40-t amerlanerpaanillu 50-it pissarsiarineqassapput.
Qinersinermut inatsimmi § 15 naapertorlugu nalunaaruteqarnermi qinigassanngortitsillutik atsiortut pillugit paasissutissat ilanngunneqassapput, ateq, inuuik, atorfik najugarlu. Qinigassanngortitsisut ilaat ataaseq nalunaarut pillugu qinigassanngortitsisut tamaasa sinnerlugit saaffigineqarsinnaasutut allassimassaaq.
Inatsisartunut qinersinissamut qinigassanngortitsinermi immersugassaq
Inatsisartunut qinersinissamut partiimik qinigassanngortitsinermi immersugassaq
Kommuneqarfik Sermersuumi Qinersinermi Siulersuisut pilersinneqareerput, taavalu martsip 19-ianni qinersivissat qinersititsisussallu pillugit isummertussaallutik.