Nuuk nutaamik Pingaarnertut Aaqqissuunneqarnera

»Nuuk nutaamik Pingaarnertut Aaqqissuunneqarnera« 37-nik kommunimut pilersaarummut tapiliussartalik Kommunalbestyrelsimit ulloq 20. februar 2018-imi ataatsimiinnermi akuersissutigineqarpoq. »Nuuk nutaamik Pingaarnertut Aaqqissuunneqarnera« sapaatit-akunnerini qulini piffissami 2017-imi 11. oktobarimiit 20. decembarip tungaanut tusarniaassutigineqarpoq, tusarniaavigineratalu nalaani illuatungeriit katillugit aqqaniliusuniit oqaaseqaasiortoqarlunilu akerliliissuteqartoqarpoq.

»Nuuk nutaamik Pingaarnertut Aaqqissuunneqarnera« pilersaarusiornermi toqqammaviuvoq, Nuup illoqarfiata ineriartortinneqarnissaanut pilersitsinissamut/timitaliinissamut qulakkeerinissamut aammalu Kommuneqarfik Sermersuup illoqarfiit pingaarnersaannut periusissiaanik piviusunngortitsinissamut toqqammaviussalluni.

Pilersaarusiornermi teknikkikkut allannguutaavoq kommunimut pilersaarummi Nuuk pingaarnertut ilusilernera kommunimut pilersaarutinik 37-nik siunnersuutitaqartut, Siorarsiorfimmut pingaarnertut pilersaarut naapertorlugu suliarineqartut. Immikkoortut tamarmik kommunimut atugassanngortinneqassapput imaluunniit kommunimi illuliortaatsimut politikki, illoqarfiit pingaarnersaat pillugu periusissiaq aamma ilusilersuinermi najoqqutassaq tunngavigalugit ineriartortitseqqilluni atortulersuisussatut ingerlatseqatigiiffimmut Kommuneqarfik Sermersuumit toqqaannartumik toqqaannanngitsumilluunniit pigineqartumut atugassanngortinneqassallutik.

PINGAARNERTUT AAQQISSUUNNEQARNERA:
Kommunimut pilersaarutip pingaarnertut aaqqissuunneqarnerani ineriartortitsinissamut nunaminertanillu atuinissamut pingaarnertut anguniakkat ersiutaapput, aammalu kommunalbestyrelsip soqutiginnittunik misissuisitsineranut naapertuulluni.

Nuuk nutaamik Pingaarnertut Aaqqissuunneqarnera patajaatsumik imminullu akilersinnaasumik illoqarfimmik ineriartortitsinissamut tunngassuteqarpoq. Nuuk pingaarnertut aaqqissuunneqarnerani sammisat nalinginnaasut arfinillit pingaarnerutinneqarput aamma ilaatigut Qinngutsinnik, sissaq sinerlugu aqqummik, illoqarfimmi akulikinnerusumik sanaartornissaq kiisalu attaveqaatit aamma illoqarfimmi qitiusoqarfittut atuuffiit katillugit arfineq-pingasuusut immikkut isiginiarneqarput.

Nuup nutaamik pingaarnertut aaqqissuunneqarnerata kukkunersiorneqarneratigut Nuummi illoqarfiup inerisarneqarnissaa qulakkeerneqassaaq taamaalillunilu Siorarsiorfik illoqarfiup immikkoortua nutaaq qulakkeerneqassalluni. Illoqarfiup immikkoortui Nuuk, Nuussuaq aamma Qinngorput meeqqeriviliorfigineqartussatut pilersaaruteqarfigineqarput. Tamakku saniatigut Qinngutta illoqarfiullu nutaartassaata Siorarsiorfiup allisaqqinnissaat pilersaarutigineqarpoq illoqarfiup qiterisaqarfianik nutaamik najukkamilu qiterisaqarfimmik, aammalu attaveqaatit annertusarneqassapput illoqarfiup nutaartaanut aqquteqartitsiniarluni.

Nuummut maannakkut amerlasuut nuuttarnerat kisimi taamaaginnassangatinneqanngilaq, umiarsualivimmulli mittarfimmullu aningaasaliisoqarneratigut, ullutsinnut naleqquttunik nutaanik inissialiortiternikkut, ilaqutariit meerartaannut paaqqinniffissanik qulakkeerinikkut inuussutissarsititigullu ineriartortitsisoqarneratigut Nunatsinnit avammut noorartut pakkersimaarnissaannut innuttaasullu Nunatsinniiginnarnissaannut iluaqutaassapput. Attaveqarnerup pitsanngorsarneratigut inuussutissarsiuteqartullu, soorlu umiarsualivimmut attuumassuteqartuni inuussutissarsiuteqartut, soorlu aalisakkeriviit, qerititsivissuit, umiarsualiveqarnermut suliffeqarfiit, kiisalu avammut tunisassiortut nutaat takornarialerinerlu pitsaasumik ineriartortillugit, Nuummi innuttaasut amerliartussasut naatsorsuutigineqarpoq taamaalilluni inissianik ullutsinnut naleqquttunik pisariaqartitsineq aallutarineqarnerulerluni aamma pisortani kiffartuussineq pillugu aningaasaliisariaqarneq aallutarineqarneruleruni.

KOMMUNIMUT PILERSAARUMMUT TAPILIUSSAT 37-T:
Nuuk nutaamik pingaarnertut aaqqissuussaanera kommunimut pilersaarummut tapiliussanik 37-nik imaqarpoq, taakkulu pingaarnertut sukumiisunillu aalajangersagartaqarput, ima amerlatigisunik immikkoortulinnillu:

• Immikkoortut C-t 14-it
Immikkoortut ataatsimoorfiusut soorlu meeqqeriviit, illoqarfiup ilaasa qitiusoqarfii, pisiniarfiit allallu Nuummi, Nuussuarmi, Qinngutsinni Siorarsiorfimmilu illoqarfiup qitiusoqarfiini inissisimasut.

• Immikkoortut A-t arfineq-pingasut
Inissiaqarfiit Qinngutta kujasissuani inissiaqarfiit 1, Qinngutta kujataani Siorarsiorfimmi inissiaqarfiit arfineq-marluk.

• Immikkoortut B-t arfineq-marluk
Inuussutissarsiuteqarfiit aamma umiarsualiveqarfiit. Immikkoortut sisamat kommunip inuussutissarsiuteqarfiini pioreersuniittut aammalu immikkoortut pingasut Siorarsiorfimmiittut.

• Immikkoortut D-t arfinillit
Sanaartorfiusussaanngitsut aamma sunngiffimmi atortulersuutit. Tassaapput immikkoortut, attaveqaatinut, aqquteeqqanut sanaartorfiusussaanngitsutullu inniminnerneqartut. Qinngutsinni immikkoortoq ataaseq aammalu Siorarsiorfimmi immikkoortut tallimat.

Nuuk nutaamik Pingaarnertut Aaqqissuunneqarnera kommunimut pilersaarummi sermersooq2028.gl-imi tuugassaq »Takorluukkat pingaarnertullu ilusaa«-ni atuarneqarsinnaavoq, aamma kommunimut pilersaarummut tapiliussat tamarmik »Illoqarfinni nunaqarfinnilu malittarisassat« ataanni Nuuk tooraanni atuarneqarsinnaallutik.

INATSISITIGUT ATUUTSITSINEQ
Kommunimut pilersaarummut tapiliussaq inaarutaasumik akuersissutigineqarnikoq tamanut saqqummiunneqareerpat,
inatsisinut imalunniit kommunimut pilersaarummut tapiliussami aalajangersakkanut akerliusumik sanaartortoqarsinnaassanngilaq, Pilersaarusiornermut inatsit § 30 takuuk.

NAAMMAGITTAALLIORNISSAMUT ILITSERSUUT
Kommunalbestyrelsip aalajangiinera pillugu naammagittaalliuteqarusukkaanni, tamanna Naalakkersuisunut saaffiginnissutigineqassaaq:

NAALAKKERSUISUT,
Aningaasaqarnermut Akileraartarnermullu Naalakkersuisoqarfik, Nuna tamakkerlugu pilersaarusiortarnermut immikkoortortaqarfik, Postboks 1037, 3900 Nuuk.

Naammagittaalliut saqqummiussap uuma saqqummiunneqarneraniit sapaatit akunneri arfineq pingasut qaangiutsinnagit tunniunneqareersimassaaq.

PILERSAARUT UANI TAKUNEQARSINNAAVOQ
Kommunimut pilersaarummut tapiliussaq Nunatta atuagaateqarfiani atuarneqarsinnaavoq, kommunip saaffiginnittarfiani pissarsiarineqarsinnaalluni, kommunip nittartagaani aaneqarsinnaalluni sermersooq2028.gl imaluunniit Sanarfinermut Avatangiisinullu ingerlatsivimmut uunga sianerluni 36 74 00 saaffiginninnikkut pissarsiarineqarsinnaalluni.

Kommuneqarfik Sermersuumit naqinnerlutaqarsinnaaneq eqqumaffigeqquneqarpoq.

PDF