Ulloq qinersivissami 24. apriilimi taasiartornissamut pisinnaanngikkuit siumut allakkatigut taasisinnaavutit.

Kim Kielsenip Inatsisartunut qinersisoqarnissaq suaarutigaa. Qinersineq marlunngornermi apriilip 24-anni pissaaq.

Ulloq qinersivissami pisinnaanngikkuit imaluunniit angalaguit maannangaaq allakkatigut taasisinnaavutit.

Nuummi Innuttaasunut Sullissivimmi allakkatigut taasisinnaavutit. Kommunimi illoqarfinni nunaqarfinnilu allani kommunip allaffiani allakkatigut taasisinnaavutit.

Kinaassutsimik uppernarsaat assitalik – soorlu passi kørekortiluunniit – nassassavat.

Qaammatini kingullerni arfinilinni Kalaallit Nunaanni najugaqarsimasut tamarmik allakkatigut taasisinnaapput. Ulloq 13. marsip kingorna Kalaallit Nunaanni kommunimiit kommunimut allamut nuussimaguit kommunimut najugarisimasannut allakkatigut taasissaatit.

Ulloq 23. apriilip tungaanut allakkatigut taasisinnaavutit. Allakkatigut taasinerit ulloq qinersivik sioqqullugu kommunimut allamut nassiunneqassappat, eqqaamassavat taasinissannut angumersissaguit siusinaarlutit allakkatigut taasinissat.

Qinigassanngortitat partiillu qinigassanngortitsisut allattorsimaffii kommunip allaffiini Innuttaasunut Sullissivinni, Namminersorlutik Oqartussanit nalunaarutigineqariarpata, takuneqarsinnaalissapput.

Nuummi Innuttaasunut Sullissiviup ammasarfii, Kuussuaq 2:
Ataasinngorneq-pingasunngorneq nal. 10-15
Sisamanngornermi nal. 12-17
Tallimanngorneq nal. 10-12