Ikiorsiissutip innuttaasut ataavartumik piginnaasakitsut ulluinnarni eqeersimaartumik inuuneqarnissaat qulakkiissavaa, tamannalu ajornakusoorsinnaavoq piffissani annertuumik apitillugu.
Kina sullinneqarsinnaava
Innutaasut ataavartumik piginnaasakitsut. Innuttaasut kommunip innersuussisartuanit neqeroorummut innersuunneqartassapput. Piumasaqaatit eqquutsikkukkit innuttaasutut siumoortumik neqeroorummut innersuunneqassaatit. Neqeroorummut innersuunneqarsimaguit allakkatigut akuersissummik tunineqassaatit.
Kikkut aaqqiissummik tunineqarsinnaanngillat
Innuttaasut najukkami nalunaarsorneqarsimasut suliassamik suliarinnissinnaasut najugaqarpata ikiorsiissummik tunineqarsinnaanngillat. Inissiaatileqatigiinni najugaqaruit aamma tunineqarsinnaanngilatit inissiaatileqatigiiffiup tamanna suliassarimmagu.
Inissiaatileqatigiinni najugaqarpit
Innuttaasut inissiaatileqatigiinni aputaajaanermut aaqqiissutitalimmik najugaqartut ikiorsiissummik tunineqarsinnaanngillat. Iserit aamma INI aqqutigalugu najugaqartut amerlasuutigut aputaajaanertalimmik aaqqiissuteqarput. Inissiaatileqatigiinni najugaqaruit aputaajaanermut ajornartorsiutitalimmik, taava peqatigiiffiit attavigissavat.
Ikiorsiissut sunik imaqarpa
Kalaallit Nunaanni annertuumik apisarpoq. Taamaattumik ikiorsiissut immikkut ittumik aaqqiissutaavoq piffissani kommunip nalilerpagu sila peqqutigalugu innutaasup najugaanut ingerlasinnaaneq killeqartippagu.
Aaqqiissut nammineerluni aallartinneqassaaq. Tamanna isumaqarpoq aputaajartinniarlutit kommunip teknikkimut ingerlatsivianut attaveqartariaqanngitsutit.
Ullut ilaanni ulapaarfiusinnaanera ilimagineqassaaq, taamaattumik aputaajartinnissamut utaqqineq qaqugukkut pisinnaanera allanngorarsinnaalluni. Aammattaaq aputaajartinneq annerpaamik ullormut ataasiaannaq pisinnaavoq.
Attaveqarfissaq
Aaqqiissut pillugu nalornissuteqaruit, imaluunniit aaqqiissut pisariaqartitannik matussusiinngitsoq misigiguit, kommunip innersuussisarfianut attaveqarnissannut qinnuigineqassaatit. Aputaajartinnissamut aaqqiissummut tunngatillugu Innersuussisartut immikkut ittumik oqarasuaatikkut attavigineqarnissaannut piffissaliisoqarnikuuvoq ulluinnarni qulingiluaniit qulinut tanneq qulingiluat tungaanut. Oqarasuaatip normua: 36 72 59.
Kommunip innersuussivia aqqutigalugu innersuunneqarsimaguit ikiorsiissut akeqanngilaq.