Eqqakkatit isumagitikkit

Illumik pigisaqartutut eqqakkavit aatittalernissaannut taamaatinnissaannulluunniit kommune aqqutigalugu nalunaarusuppit, pilersaarutaasut malillugit eqqakkatit aaneqanngillat, imaluunniit eqqakkat pillugit nalinginnaasumik paasisaqarusuppit?

Taava Sermersuumi Eqqakkanik tigooraavik maana affald@sermersooq.glimaluunniit oqarasuaat 36 74 11 maannamiit attavigisalissavat, tassani ikiuunnissatsinnut piareersimassaagut. Nal. 10-12 akornanni oqarasuaatikkut pissarsiarineqarsinnaavugut.

Sioqqutsillutit – pilersaarutit malillugit eqqakkanik aallernermi – nalunaarfigigutsigut, eqqakkatit sapinngisamik siusinaarluta aasinnaavavut. Eqqakkatit aaneqarsimanngitsut nal. 12.00 sioqqullugu nalunaarutigisimagukkit, ulluinnaap tulliani aaneqarnissaat naatsorsuutigisinnaavat.

Pilersaarutaasut malillugit eqqakkanik aallernissap aqaguani kingusinnerpaamik nal. 12.00 sioqqullugu eqqakkavit aaneqarsimannginneri pillugit nalunaarsimaguit, pilersaarutaasullu malillugit eqqakkanik aallernissap tullia sioqqullugu aaneqarsimanngippata, taartisiaqartinneqarsinnaavutit.

Eqqaavippit tungaanut aputaajarsimanissaa, eqqaaviup saavani assiusumik qimmeqannginnissaa aamma ulikkaarpallaarsimannginnissaa illumik piginnittutut pisussaaffeqarputit. Eqqaaviup puussiartassaani titarneq tikillugu taamaallaat immeqqusaavat.

Siuliani arlaat pissutaalluni eqqakkatit aaneqarsimanngippata, eqqakkannut puussiartassamik allamik tunineqassaatit. Eqqagassat aaneqanngitsoornikut nammineerlutit Sermersuumi Eqqakkanut tigooraavimmut ikuallatassatut tunniutissuatit.

Piaarinaatsoornikkut pisoqarnerani – soorlu eqqaavilerissutit biilit ingerlasinnaannginneri imaluunniit silarlunnera pissutaalluni biilerfissaannginnera – eqqakkanik aallernissaq kinguaattoorfiusinnaavoq. Taamatut pisoqartillugu kommunip nittartagaatigut aamma facebookikkut qupperneratigut nalunaaruteqartarpugut.

Eqqaamallugu illumik pigisaqartutut ukioq kaajallallugu eqqakkavit aatillugit isumagitittarnissaannut nalunaarsimanissannut pisussaaffeqarputit. Kommunimit eqqakkanik aallertarneq imaluunniit namminersortunit eqqakkanik aallertarneq atussanerlugu illit nammineq aalajangissavat. Taamaallaat eqqakkavit aatittarnissaanut nalunaarsimanerit kommunimut uppernarsarsinnaaginnassavat.

Ikuallaaviup eqqaani eqqaavik eqqakkanik tigooraavik igitsiartorfittut innuttaasututtaaq atornissaanut periarfissaqarputit (nunamineq mingutsitaq minillugu). Matumani eqqakkat 50 kiilu tikillugu oqimaatsigisut akeqanngitsumik tunniussinnaavatit.

Tigooraavimmut tunniukkiartorsinnaasatit tassaapput:

  • Igalaamerngit – soorlu puiaasat, igalaamerngit puutut atorneqartut, immiartorfiit igalaamerngit aamma igalaat
  • Savimerngit – soorlu qillertuusat, saviminernut sinaakkutaasinnaasut aamma pequtit saviminermik sanaat
  • Pappiaqqat aamma pappiaqqat qeratasuut
  • Pappialarsuit minguitsut
  • Eqqakkat inaalissorneqarsinnaasut – soorlu marriat, marmorit, tarrarsuutit flisillu
  • Ikuallatassat angisuut mikisullu
  • Sanaartornermit eqqakkat qisuillu assigiinngisitaartut
  • Assakaasut aamma qamutit motoorillit avatangiisinut mingutsitsisinnaajunnaarsakkat
  • Nillataartitsiviit / qerititsiviit
  • Eqqakkat navianartut – matumani elektronikkikut aamma qerititsiviit/errorsiviit/nillataartitsiviit, batteriit qalipaatillu ilanngullugit

Eqqakkat assigiinngitsut sumut tunniunneqassanersut sulisumit ilitsersorneqassaatit.

Sermersuumi Eqqakkanik tigooraavik
affald@sermersooq.gl
Tlf. 36 74 11