Helene Junge Pedersen-mut eqqaaniut

Ataasinngormat ullaaralaannguaq februaarip ulluisa 19-t Helene Junge Pedersen, kuissuteqartoq Dalager, ukiuni pisimasoqarfioqisuni 84-nik ukioqarluni toqukkut qimaguppoq.  Uummaarilluinnartuunermi saniatigut anaanaavoq meeqqanut arfineq-pingasunut, suli amerlanernik ernutaqarlunilu ernutaqqiuteqartoq, Helene amerlasuujulluta eqqaamavarput, soorlu uia aamma toqukkut qimagussimasoq Svend Junge Pedersen.

Helene Svend-lu inuunerminni imaannaanngitsuupput tamannalu ersersippaat inuunerminni immikkuullarissuunikkut aammali nuliariillutik atukkamikkut.  Maani Nuummi innuttaasut amerlasuut inuunerannut pingaarutilerujussuarmik sunniisimapput – ilaatigut Jungefonden aqqutigalugu suliaminnut inuppassuarnut ajunngitsuliornerpassuit kiisalu CT-scannerimik Dronning Ingridip Hospitalianut tunisineq Godthåb Hallip eqqaani Karatertartunut illu tunissutigaattaaq.

Aamma alla, tassa maani Nuummi Helenikkut Svendillu qujassutigeqisatsinnik Nuummi Eqqumiitsulianik Katersugaasivik tunissutigaat.   Katersugaasiviup illutaa kiisalu eqqumiitsuliat katersukkat amerlanersaat ukioq 2005 Helene Svendillu Nuup Kommunianut tunissutigaat taamaalilluta tamatta katersukkat kusanaqisut illutaalu kusanarluinnartoq nuannaarutigilerpavut.  Taama tunissutit annertutigisut takutiinnarpaat Helenikkut Svendillu uummammit pisumik Nuummut atassuteqarsimanerat.

Oqartoqartarpoq angutip angusarissaartorsuup angusaqartarnera nuliaasumit tapersersorneqarluni aatsaat pisinnaasoq taamaattorli Helene Svendilu immikkut tamarmik piumassuseqartuupput inuugamik nukittoorsuit maani Nuummi eqqaamajuagassavut.

Eqqarsaatikka misiginneqatiginninneralu Helenip meeraanut tallimaasunut Carl Erik, Ulla, Orla, Bjørn Dittimullu ingerlapput.

Helene Junge Pedersen eqqaaniartigu kialaartumik qujamasulluta.

Borgmesteri, Asii Chemnitz Narup