Nuuk Ugeavis Kommuneqarfik Sermersuumut nutaarsiassanik maanna siammarterisalerpoq
Nutaarsiassat Kommuneqarfik Sermersuumi piffinni tamaneersut Nuuk Ugeavisimi ilanngunneqartalerput. “Kommunerput isorartoorujussuuvoq, tamannalu peqqutaalluni pingaaruteqarluinnarpoq susassareqatigiinnissarput, kiisalu inuunitsinni ulluinnarnilu pisunik paaseqatigiissinnaaneq,” borgmesteri Asii Chemnitz Narup oqarpoq.
Nutaarsiassat Nuuk Ugeavisimi quppernernik arfineq pingasuusuni ilanngussatut siammarterneqartassapput, qaammammullu ataasiarlutik kommunimi illoqarfinni, Nuuk minillugu illunut agguaanneqartassallutik aviisimut ilaatillugit. Nutaarsiassat nunaqarfinni aamma atuarneqarsinnaasassapput.