Kommunimut pilersaarummut tapiliussatut 2B1-1 Industrivej, Nuuk siunnersuut pillugu

Aninagasaqarnermut Inuussutissarsionermullu Ataatsimiititap novemberip 8-ianni 2018 aalajangerpaa, kommunimut pilersaarummut tapiliussatut siunnersuut 2B1-1 tamanut tusarniaassutigineqassasoq.

KOMMUNIMUT PILERSAARUMMUT TAPILIUSSAP SIUNERTAA: 
Kommunimut pilersaarummut tapiliussatut siunnersuummi minnerusunut ineriartortitsinissamut periarfissiinissaq akuersissutigeqquneqarpoq - tassa inuussutissarsiutit mingutsitsisuunngitsut, soorlu quersuit, pisiniarfiit kiisalu allaffiit. Kommunimut pilersaarummut tapiliussassatut siunnersuut naapertorlugu, immikkoortumi nunaminertatut agguaanneqareersut tunngavigalugit sanaartorfissatut suliarineqartuni sisamat tikillugit quleriilinnik sanaartortoqarnissaa periarfissaalissaaq. Kommunimut pilersaarummut tapiliussassatut siunnersuummi sanaartorfiit arlallit ataatsimoortinnissaannut periarfissiivoq, taamaaliornikkut sanaartorfiit annertunerusut pilersinneqarsinnaallutik. Pilersaarummi piffissap ingerlanerani ineriartortitsinissaq periarfissaritinneqarpoq. Taamaattumik ullumikkut pioreersut maannakkutut ingerlatiinnarneqarsinnaapput.

Industrivej pisuinnarnit aqqutigineqarluartarpoq, immikkoortumilu arlalinnik aalajangersimasunik nioqquteqartartunik pisiniarfeqarluni. Immikkoortumit Nuup qeqqa Nuussuarlu ataqatigiissinneqarput. Tamanna pillugu Industrivejip tungaanut illut silataasa ilusilersorneqarneri titartarneqarnerilu pingaartinneqarput, taakkulu ornikkuminartuussapput, aqqusernullu tungaanut sammisuullutik, matoqqanatik, immikkuualuttortai sukumiisumik suliarineqassapput. 

TAMANUT OQALLISISSIAQ 
Pilersaarutitut siunnersuut piffissami 21 november 2018-imiit 16 januar 2019-ip tungaanut tamanut tusarniutigineqassaaq.

Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq. 
Oqaaseqaatit akerliliissutillu Kommuneqarfik Sermersuumi tiguneqareersimassapput Januari 16-at 2018 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl 
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput. 

INATSISINUT TUNNGASUT 
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.

PILERSAARUT UANI TAKUNEQARSINNAAVOQ 
Kommunimut pilersaarummut tapiliussaq Nunatta atuagaateqarfiani atuarneqarsinnaavoq, kommunip saaffiginnittarfiani pissarsiarineqarsinnaalluni, kommunip nittartagaani aaneqarsinnaalluni sermersooq.gl imaluunniit Sanarfinermut Avatangiisinullu ingerlatsivimmut uunga sianerluni 36 74 34 saaffiginninnikkut pissarsiarineqarsinnaalluni.