Naluttarfik Den Store Svømmedag peqataaffigissavaa

Nalunnermik aaqqissuussaq Den Store Svømmedag sapaammi oktobarip 7-ni ingerlanneqalerpat, naluttarfik Malik aningaasanik eqquiniarnermi peqataasaaq. Den Store Svømmedag aaqqissuunneqartarpoq Dansk Svømmeunion-imit, nuna tamakkerlugu klubbit naluttarfiillu peqataaffigisartagaat.

Den Store Svømmedag, Danmarkimi nuna tamakkerlugu nalunnermik aaqqissuussani annersaavoq, inuit nalunnermik nuannarisallit najukkami naluttarfimmut nalukkiartinniarlugit tamanut aaqqissuussaasoq. Peqataasunut qanoq takitigisumik naluttoqarnissaanik piumasaqaateqartoqanngilaq - miiterilli tamaasa pisariaqartippavut!

Peqataasinnaasut tamarmik alakkaasinnaanerat kissaatigineqarpoq, sapaammi oktobarip 7-ni nalunaaqutap 08.00-14.00 akornanni, piffissami tassani nalunneq akeqassanngilaq.

Tamassi tikilluaqqusaavusi: inuussuttut utoqqaat, mikisut angisuullu. Piumasaqaatituaraarput miiterinik amerlanerpaanik nalunnissaanik aamma/imaluunniit naluttarfimmut aqqartoqarnerpaanissaanut ikioqataassasutit.

Peqataasut tamarmik kusanartunik diplominnassapput

Takkuttut tamarmik naluttarfimmullu aqqarsimasut tamarmik aaqqissuussamut peqataasimanermut uppernarsaammik diplominnassapput. Peqatigitillugulu Naluttarfik Malik/Naluttartut klubbiat Nuuk akissarsiassarpassuarnik pilerinartunik pinnannissaannut ikiuissaatit.

Ukioq manna naalagaaffimmi naluttarfinni 34-nit ikinnerunngitsunik naluttoqassaaq, taakkunanilu ukua unammissutigineqassapput:

  • Aaqqissuussiffinni sapinngisamik inunnik amerlanerpaanik peqataatitsineq.
  • Aaqqissuussiffinni innuttaasut amerlassusaat naapertorlugu nalukkiartoqarnerpaaq.
  • Naggataatigullu aaqqissuussiffinni peqataasunut agguaqatigiissillugit akunnerit arfinillit sinnerlugit ingerlanneqartumut meterinik amerlanerpaanik ingerlatsisimasut.

 Eqqugassat ima agguataagaapput:

Naluttarfimmi peqataasut amerlanerit:

  1. akissarsiassaq: 5.000 koruunit
  2. akissarsiassaq: 3.000 koruunit
  3. akissarsaissaq: 2.000 koruunit

Illoqarfimmut naleqqiullugu peqataasut amerlassusaat:

  1. akissarsiassaq: 5.000 koruunit
  2. akissarsiassaq: 3.000 koruunit
  3. akissarsiassaq: 2.000 koruunit

Nalunnermi meterit amerlanerpaat:
 

  1. akissarsiassaq: 5.000 koruunit
  2. akissarsiassaq: 3.000 koruunit
  3. akissarsiassaq: 2.000 koruunit

Dansk Svømmeunionip nittartagaa: www.svoem.org/svoemmedag  ulloq naallugu pisunik malinnaavigisinnaavat, taamaliornikkullu uagutsinnut inornanngitsumi aningaasanik eqquinersugut malinnaavigaluta.

Ukioq manna Arctic Import peqataasunut tamanut naatitanik tunisisuuvoq, takkuttunut tamanut Naluttarfik Malimmilu naloqataasunut tamanut.

Nalunnermik unammineq ileqquliussimasanik sammisassarpassuaqarfiusumi Naluttarfik Malik 14-issaa peqataavoq.