Tasiilaq: Timersortarfimmi fitnessertarfik nutaaq

Timersortarfiup fitnessertarfittaani sungiusaatit nutaat atornissaat akeqanngilaq.

Inimi allermi sungiusartarfik pioreersoq nutarterneqarpoq. Ini nukkassarfissamik, arpaffissamik saunartarfimmillu peqalerpoq.  Inimi qullermi cafeteriaasimasoq atorunnaarsillugu fitnessertarfinngortinneqarpoq, tassani iputtuusaarutit (romaskiner), sikkilit, crosstrainerit thoraxtrainerillu atorlugit aap ingerlaaranut pitsanngorsaalluni sungiusaatigineqarsinnaapput. 

”Tasiilarmiunut tamanut peqqinnarnerusumik inuuniarnissaq ajornaallisarusupparput periarfissaatikkusullugulu. Fitnessertarfik innuttaasunut timersornermi aaqqissuussanut peqataaneq ajortunut atorneqarsinnaanissaa siunertarineqarpoq.

Peqatigiiffinnut fitnessertarfittaaq aamma iluaqutaasaaq. Sungiusartarnikkut imminullu unammisarnikkut peqatigiiffinni ataqatigiinnermik pilersitseqataasinnaavoq.  Fitnessertarfiup innuttaasunik nuannaartunik peqqissunillu ataatsimoorfiulernissaa qilanaaraarput,” Daniel Kâjangmat Lyberth, Kommuneqarfik Sermersuup Tasiilami Peqqinnermut Susassaqartitsinermullu Immikkoortortaqarfiani aqutsisuugallartoq taamak oqarpoq.

Kommuneqarfik Sermersuup fitnessertarfittaap nutarternera suli ingerlappaa taamaattorli sungiusaatit nutaat atorneqarsinnaalereerput.

Fitnessertarfimmi sungiusarneq akeqanngilaq. Sauna 50 koruunimik akeqarpoq.

Ammasarfiit

Ataasinngorneq-tallimanngorneq nal 8.30-21.00
Arfininngorneq-sapaat nal 11.30-18.30

Fitnessertarfimmi malittarisassat