Umiatsiat Eqinganik inissinneqarsimasut peerneqassapput

Siusinnerusukkut nalunaarutigineqareersutut Eqingani umiatsianik inissiisarfik imaarneqartussaavoq. Umiatsiaatillit Eqingani imaani inissisimasuutillit maanna umiatsiamik nuunnissaannik kingullerpaamik periarfissinneqarput. Tamanna patsiseqarpoq sumiiffik pineqartoq namminersortumit ingerlanneqalermat talittarfinnillu puttasunik pilersitsisoqartussaammat umiatsiat peerneqartariaqarput. Angallatit kingusinnerpaamik 22. januar 2018 peerneqareersimassapput.

Umiatsiat peerneqarsimanngitsut kommunimit peerneqassapput nuunneqarnerallu piginnittuusup akisussaaffigissavaa, taamatullu akiligassiissut piginnittup akilertussanngussavaa.

Arlaannik apeqqutissaqaraanni Kommuneqarfik Sermersooq, Sanarfinermut Avatangiisinullu Ingerlatsivik, Sanaartornermut Oqartussaqarfik oqarasuaat; 36 70 00 uunga Immikkoortortami aqutsisoq, Vilhelm Lynge Hard, teknikkikkut sulialik, Andreas Mølgaard-Christiansen imaluunniit suliniummik ingerlatalik, Lillian Jensen