Saqqummersitsineq

Saqqummersitsineq: Bent B. Olesen, Helena Jensen, Silvia Rodríguez.

Sapaat 1. oktobari nal. 13.00. Nuutoqaq.

Kaffeqarlunilu teeqassaaq.

Bent B. Olesen
1973-mi Nunatsinnut pivoq. Sanasoq – Sanaartornermi teknikeri

Bent oqaluttuarpoq: ”Ukiut 25t missaat qaangiupput Helena Jensen Nuummi pulaarakku taamani Helena saqqummersitsissammat assilialiaasa sinaakkutissaanik ikiorlugu Helenap oqarfigivaanga illit aamma qalipaasalerniarit – akivara saperlugu, Helenap annoraamineq saqqummerpaa oqarluni ”misilinniaruk” uannullu nalissaqanngilaq – kingorna oqarsinnaalerpunga silarsuara qalipaatinittoq ( qalipaatit eqqumaffigilerpakka eqqarsartarlunga qanoq qalipaasersuissanerlunga).

Helena Jensen
Ilinniartitsisoq soraarneq, kristumiuusoq.

Soqutigisai: Biibilimik atuarneq, ujaqqanik qalipaaneq il il internetimi Pinterest aqqutigalugu isumassarsisartoq. Matusartunik assigiinngitsunik sanasarpunga, plakatit pisoqqat assiliartaliuttarlugit.

Linedanceriartarpunga. Pinngortitamik nuannarisaqartuuvunga.

Imerfiit imermut kukinnut qalipaatitalimmut misuttarlugit. Namminneq nuannersunik ilusinittarput.

Silvia Rodríguez
Silvia Rodríguez oqaluttuarpoq:

”44-nik ukioqarpunga Kanariat Qeqertaannit (Spanien) 2013-imi Nuummut pivunga.

Universitetimi datalogi/IT pillugu ilinniarsimasuuvunga 2015-imiilli Kalaallit Nunaanni misissueqqissaartarfimmi sulillunga..

Soqutigisaraakka nuersaaneq, assassorneq, naasut assiliinerlu.

Ukiut arlallit qaangiupput TV-mi piviusulersaarut ”How it’s Made” takoreerlugu atoqqitassanik suliaqartalerama.

Arlaani sumi tamaani atortussianik misissuisareerlunga misilittaareerlungalu paasinikuuara eqqarsaasersulaaraani nassaartornartuusoq, aammalu kusanartuliortoqarsinnaasoq atorluarsinnaasunik.”

PDF