NAIP Ittoqqortoormiinut tikeraartut

Kommuneqarfik Sermersuup kangimut avannarlersaat Ittoqqortoormiit Nuummi Aliikkusersuisartut Isiginnaartitsisartullu Peqatigiiffianit tikeraarneqarsimavoq.

NAIP-mit aliikkusersuinermik qitinnermillu soqutiginnittut ilinniartinneqarput isiginnaartitsinermillu nuggasiisoqarluni.

Tamassuma saniatigut kalattuunik qittattoqarpoq.

”Isiginnaartitsineq innuttaasunit nuannarineqartupilussuuvoq. Isiginnaartitsinermut inuit 100 missaat isiginnaariarput. Taakku saniatigut NAIP atuarfimmut utoqqaat illuannullu isiginnaartitsiartorput,” taama oqarpoq Ittoqqortoormiini Peqqinneq Susassaqartitsinermullu immikkoortortami aqutsisoq Charlotte Pike.

NunaFonden NAIP’p Ittoqqortoormiinut angalaneranut aningaasaliisuuvoq.