Akit, ammasarfiit, malittarisassallu il.il. uani saqqummiunneqartut ullumikkut atuuttuusariaqanngillat.
2017-imi ukiakkut meeqqat atuarfiini siulersuisunut angajoqqaat sinnerlugit ilaasortassanik qinersisoqassaaq.
Illoqarfiit atuarfiini tamani immikkut angajoqqaat tallimanik ilaasortassarsiussapput, taakkununngalu sinniisussat tallimat.
Nunaqarfiit atuarfiini angajoqqaat pingasunik ilaasortassarsiussapput, taakkunnungalu sinniisussat pingasut.
Atuarfiup allaffianut saaffiginninnermi aammattaaq qineqqusaarnissamut maleruaqqusat aamma qinersisoqarnerani taasinermut maleruaqqusat paasisaqarfigineqarsinnaapput. Aammattaaq qinersisussat allattorsimaffiani allassimasut qinersisussat allassimaffianni allassimanngitsunik kisiannili atuarfiup siulersuisuinut qinigassanngortinnissamik soqutiginnittunik qinigassanngortitsinissaat ajornanngilaq.
Paasissutissiilluni qinigassanngortitsinerlu pillugu ataatsimiinneq atuarfinni ingerlanneqassaaq 22. septembari – atuarfinni ataasiakkaani annertunerusumik paasisaqarit.
Qinigassanngortitsilluni siunnersuuteqarnissamut piffissaq kingulleq tassaavoq pingasunngorneq 27. septembari nal. 16:00.
Illoqarfinni atuarfimmi tallimanik amerlanerusunik nunaqarfinnilu atuarfinni pingasunit amerlanerusunik atuarfiup siulersuisuanut qinigassanngortittoqarpat qinersisoqassaaq:
Marlunngorneq 24. oktobari 2017 nal. 14 – 20.
Qinersisussat allassimaffiani allassimasut 24. oktobari nammineq taasiartornissamut pisinnaanngikkunik allakkatigut taasisinnaapput. Allakkatigut taasinermut maleruaqqusat atuarfiup allaffianut saaffiginninnikkut pissarsiarineqarsinnaapput.
Atuarfinni ataasiakkaani qinersineq qinigassanngortittullu pillugit paasissutissiissutinik nassiussissapput.