Rolf Pike – Juullimi Eqqaamasanni Nuannernerpaaq

Kommueqarfik Sermersuup juullimi ammartagaa juullernissaata tungaanut ingerlavoq. Kommunalbestyrelsimi ilaasortat apersornikuuagut ukiup ingerlanerani suliaminni suut nuannarinersaasimaneraat aamma inuunerminni juullimi eqqaamasaminni suna nuannernersaanersoq.

2018-imut missingersuutip suliarinera ukioq manna kommunalbestyrelsemi suleqataaffigisanni nuannernerpaatut eqqaamassavara. Qinigaaffik ilaasortaaffigisara una siullersaavoq ukiullu ingerlanerani ilikkagaqarsimaqaanga. Meeqqat atugaannik pitsangorsaatissatut suliniutit pingaarnerutillugit sulisimavunga, tamattami tamanna pissaqarsiaqarfigisussaagatsigu.

Juulli nuannertuaannarpoq, sumiikkaluaraanni nuannertuaannarluni. Juulli nuannariuaarnanikuuara, ingammik Ittoqqortoormiini alliartorninni.

Kommunalbestyrelsimi ilaasortaqatikka Kommuneqarfik Sermersuumilu sulisut tamaasa juullisiorluarnissaannik ukiortaamullu iserluarnissaannik kissaappakka.


Kommuneqarfik Sermersuup juullimi unammisitsinerani #julenuuk-mut peqataanissat eqqaamajuk. Hashtag #julenuuk atorlugu Facebookimut Instagramimulluunniit assimik ikkussiguit unammisitsinermut peqataassaatit.