Mala H. Kuko – Juullimi Eqqaamasanni Nuannernerpaaq

Kommueqarfik Sermersuup juullimi ammartagaa juullernissaata tungaanut ingerlavoq. Kommunalbestyrelsimi ilaasortat apersornikuuagut ukiup ingerlanerani suliaminni suut nuannarinersaasimaneraat aamma inuunerminni juullimi eqqaamasaminni suna nuannernersaanersoq.

2017-imi suliarisimasanni eqqaamanerpaassuakka, siunnersuutigisimasama pingasut kommunalbestyrelsemi isumaqatigiissutigineqarsimaneri. Aqutsiveqarfimmi Tasiilami qilalukkanik qernertanik pisassiissutit 30 procentiisa sunngiffimmi piniartunut immikkoortinneqartalernissaat isumaqatigiissutigisimavarput, 10 procentimiit qaffallugit.

Nuup kangerluata salinneqarnissaa aamma isumaqatigiissutigisimavarput. Siunnersuutigisama isumaqatigiissutigineqartut pingajorivaat, Tasiilami tiniguttarfimmik sanasoqarnissaa. Nuummi tiniguttarfeqarput umiatsiaatilinnut iluaqutaaqisumik.

Juullimi eqqaamasakka nuannernerpaat anaanama uumagallarneraneerput. 14-inik ukioqartuna anaananga qimagunnikuuvoq. Isumaqarpunga juulli nuannernersaasartoq ilaquttat ilagalugit atoraanni.


Kommuneqarfik Sermersuup juullimi unammisitsinerani #julenuuk-mut peqataanissat eqqaamajuk. Hashtag #julenuuk atorlugu Facebookimut Instagramimulluunniit assimik ikkussiguit unammisitsinermut peqataassaatit.