Kommuneqarfik Sermersuup entreprenørgårdianut maskiinanik nutaanik tikittoqalerpoq. Maskiinat maanna pigineqartut pisoqalipput taamaattumik iluarsaanneqarnerinut aserfallatsaaliornerinullu aningaasartuutit amerlallutik. Ingammik gummigedit angisoorsuit ilaatigut aputaajaanermut atorneqartartut taarserneqarnissaannut piffissanngorpoq.
Taamaattumik Ingerlatsivik Avatangiisillu immikkoortortaqarfiat ukiut tulliuttut tallimat ingerlanerini entreprenørit atortuinik taarsersuinissamik pilersaarusiorput.
Siunissami maskiinat tamarmik ukiut arfineq-pingasut qaangiutsinnagit taarserneqartalissapput taamaalilluni siunissaq eqqarsaatigalugu iluarsaassinernut aserfallatsaaliuinernullu aningaasartuutit ikissalipput.