Innuttaasunut

2018-mut missingersuutit: Siusinaartumik pensioneqartunut sullissisunut amerlanernik

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Siusinaartumik pensioneqartunut siusinaartumillu pensioneqarniarlutik qinnuteqartunut sulisinnaassuseqarnerinik naliliisussanik sullissisunik atorfinitsitsinissamut 600.000 kruuninik immikkoortitsisoqarpoq.

Siorna Tasiilamut Majoriap sulisinnaassuseqarnermut naliliinernut atatillugu suliassat pillugit atorfik Tasiilamut nuunneqarpoq Nuummilu sullissisumik atorfinitsitsisoqarluni. 600.000 kruunit taakku allanik marlunnik Paamiuni Nuummilu atorfinittussanut atorneqassapput.

Siusinaartumik pensioneqarneq pillugu inatsit naapertorlugu siusinaartumik pensionisiallit ukiut tallimakkaarlugit sulisinnaassuseqarnersut nalilersorneqartartussaapput. Siusinaartumik pensionisiallit ilaat suleqqilersarput qinnuteqartulli ilaat suliffimmi suliinnartarlutik.