Justus Poulsen – Juullimi eqqaamasanni nuannernerpaaq

Kommuneqarfik Sermersuup juullimi ammartagaa juullernissaata tungaanut ingerlavoq. Kommunalbestyrelsimi ilaasortat apersornikuuagut ukiup ingerlanerani suliaminni suut nuannarinersaasimaneraat aamma inuunerminni juullimi eqqaamasaminni suna nuannernersaanersoq.

Ukiut tallimassaa nunaqarfimmi aqutsisutut ingerlavunga, nunaqarfiit Kulusuk, Tiilerilaaq aamma Isortoq siulittaasuuffigaakka.

Ukioq manna multibane-liorsimavugut, ajoraluartumillu ukiarpallaalernera pissutigalugu naammassinngitsoorpoq. Naatsorsuutigivarpulli 2018-ip ingerlanerani naammassissasoq. Multibane piareerpat arsaaffigineqalersinnaassaaq basketball-lu aamma ingerlanneqarsinnaalissalluni.

Uannut juulli tamaat nuannertarpoq. Ilaqutariilluta eqqissilluta juullisiortarpugut. Ilaquttakkalu nuliamalu ilaqutai peqatigalugit juullisiortarpugut. Decembarip 23-ni pinnersaasarpugut aqaguanilu meeqqat pivorleertarlutik. Decembarip 26-ni inuuvissiortarpunga ullorlu taanna nuannisaqatigiittarpugut nereqatigiittarlutalu. Ukioq manna 57-nik ukioqalissaanga.

Kommuneqarfik Sermersuup juullimi unammisitsinerani #julenuuk-mut peqataanissat eqqaamajuk. Hashtag #julenuuk atorlugu Facebookimut Instagramimulluunniit assimik ikkussiguit unammisitsinermut peqataassaatit.