Ane Egede Mathæussen – Juullimi eqqaamasanni nuannernerpaaq

Kommuneqarfik Sermersuup juullimi ammartagaa juullernissaata tungaanut ingerlavoq. Kommunalbestyrelsimi ilaasortat apersornikuuagut ukiup ingerlanerani suliaminni suut nuannarinersaasimaneraat aamma inuunerminni juullimi eqqaamasaminni suna nuannernersaanersoq.

Ukiuni 21-ni kommunalbestyrelsemi ilaasortaanikuuvunga, atasuinnarmik.

Ukiuni taakkunani amerlasuunik angusaqarnikuuvunga, piffissarli kingulleq eqqaassagukku tulluusimaarutigisatut taasinnaasara tassaavoq Kofoeds Skolep ammarnera. Takusinnaasagullu malillugit ingerlalluaqaaq ornigarneqarluartarlunilu. Aamma multiværkestedip ammarnera tulluusimaarutigaara kiisalu innarluutillit ornittagaqalernerat aamma nuannaarutigalugu.

Nuummiuungaarama Nuuk qimallugu juullisiornikuunngisaannarpunga. Ukiut arlallit matuma siorna Nuummiut naasuusiviup eqqaani juullisioqatigiittarnikuupput, orpiliarlutik qummoroortarlutillu. Nuannertaqaaq katerisimaaraangatta.

Tallimanik meeraqarpugut tallimanillu erngutaqarluta. Nukarlinnguaq decembarip 20-ni ataasiliissooq angajullerlu aasamut GU-mi naammassissooq. Erngutannguagut pingasut 2014-mi inunngornikuupput.

Meeqqagut ernguttagullu juullisioqatigigaangatsigit nuannisartaqaagut.

Kommuneqarfik Sermersuup juullimi unammisitsinerani #julenuuk-mut peqataanissat eqqaamajuk. Hashtag #julenuuk atorlugu Facebookimut Instagramimulluunniit assimik ikkussiguit unammisitsinermut peqataassaatit.