Tasiilami qaammatikkuutaartumik aaqqissuussanut aningaasaliissutit

Nunafondenip Kommuneqarfik Sermersuumit Peqqinneq Susassaqartitsinerlu meeqqanut, inuusuttunut ilaqutariinnullu aaqqissuussat 300.000 koruunimik tapiissuteqarfigai.

– Tusarluaqaagut, immikkoortortami aqutsisoq Lydia Mathiassen taama oqarpoq.

Qaammatikkuutaartumik aaqqissuussinerit meeqqanut, inuussuttunut ilaqutariinnullu tulluarsagaavoq. Qaammatikkuutaartumik aaqqissuussisarnerit timersortarfimmi ingerlanneqartarput, pinnguarnikkut ataqatigiinneq pilersarpoq, peqqinnermut pitsaaliuinikkullu sunniuteqartumik.

– Meeqqat arsamik sammisaqarnerit pinnguarnerillu assigiinngitsut nuannisaatigisarpaat.   Pississaarfimmik meeqqat nuannareqisaanik pisisimavugut. Pisseqattaarluni arpannernik aamma ingerlatsisoqartarpoq, atortussanillu assigiinngitsunik pisisimavugut soorlu kiinnanut tarnutinik, taakkulu meeqqanit inuusuttunillu nuannarineqaqaat, Lydia Mathiassenip eqqaavaa.

Suliniut 2016-imili ingerlanneqarpoq, 2018-inimilu maaji ilanngullugu illoqarfiup innuttaasuinut suliniutinik arlalinnik ingerlanissaa qularnaarlugu.

– Ukiumi nutaami niviarsiaqqanut nukappiaqqanullu unnussiuaartitsinissaq, nereqatigiinnissaq, nipilersornermilu workshoppertitsinissaq, tusarnaartitsinissaq, timersornikkut aaqqissuussinissaq assigiinngitsorpassuarnillu pilersaaruteqarpugut, Lydia Mathiasen naggasiivoq.

Aaqqissuussinerit qaammatip naanerani akissarsiffimmi ingerlanneqartarput. Kommunimit siornatigut meeqqat qaammatip naanerani eqqissiviillisarnerat ukkataqarsinnaanngittarnerallu maluginiarneqartarpoq. Massakkulli suliniutinik assigiinngitsunik aaqqissuussinikkut pitsaasumut allanngortinneqarpoq.

Qaammatikkuutaartumik aaqqissuussisarnerit meeqqanit 200-300 miss. amerlassusilinnik peqataaffigineqartarput.

Tasiilami innuttaasut 2.000 missaniipput, taakkunanilu 650 18-it inorlugit ukioqarput.