Uju Petersen – Juullimi eqqaamasanni nuannernerpaaq


Kommueqarfik Sermersuup juullimi ammartagaa juullernissaata tungaanut ingerlavoq. Kommunalbestyrelsimi ilaasortat apersornikuuagut ukiup ingerlanerani suliaminni suut nuannarinersaasimaneraat aamma inuunerminni juullimi eqqaamasaminni suna nuannernersaanersoq.

Ukioq manna kommunalbestyrelsemi suliarisimasatsinni nuannarinersaasimavara, Meeqqanut Ilaqutariinnullu Ingerlatsiviup pilersinneqarsimanera. Kommunimi meeqqat ilaqutariillu atungaannik pitsanngorsaavigineqarnissaannik takorluukkatta anguniarneranut iluaqutaasussaammat.

Meeraalluta juullisiortarnigut uanga juullimi eqqaamsanni nuannernersaapput. Ilaqutariiuulluta ullaakkut aanakkunnut apuuteqqaanniuttarnikuunerput eqqaamavara. Eqqaamavaralu sparkstøttingimi issiallunga angajoqqaagut erinarsorlutik, ullaaq juullerpaloreersoq suli juullerpalunninngortittarpaat.



Kommuneqarfik Sermersuup juullimi unammisitsinerani #julenuuk-mut peqataanissat eqqaamajuk. Hashtag #julenuuk atorlugu Facebookimut Instagramimulluunniit assimik ikkussiguit unammisitsinermut peqataassaatit.