2018-imut missingersuut: Ittoqqortoormiini isumaginninnermut siunnersorti

Ittoqqortoormiini sullissisut ilaneqarnissaannut Kommuneqarfik Sermersuumi kommunalbestyrelsi 450.000 koruuninik aningaasaliivoq.

Atugarissaarnermi aamma Meeqqat Inuusuttullu pillugit Ittoqqortoormiini sullissineq Kommuneqarfik Sermersuumit nukitsorsaavigineqarpoq.

Kommunimmi maluginiarsimavaa susassaqarfinni taakkunani sullissinermi angummanniapiloortoqartoq. Isumaginninnermut siunnersorti Isumaginninnermut Suliffeqarnermullu Ingerlatsivimmut aamma Meeqqanut Atuarfeqarnermullu Ingerlatsivimmut attuumassuteqassaaq.

Ingerlatsivinnut pineqartunut attuumassuteqartussaanermigut, sullissisoq qitiusumik pingaarutilimmillu inissimassaaq.

Isumaginninnermut siunnersorti ukiumut ataasiarluni Nuummut angalasassaaq. Taamaalilluni isumaginninnermi siunnersorti Suliffeqarnermut Ingerlatsivimmi Oqartussaatitaanermik Immikkoortumut aamma Meeqqanut Atuarfeqarnermullu Ingerlatsivimmut pitsaanerpaamik attaveqalissaaq.