2018-imut missingersuut: Atuartut Ittoqqortoormiinit angallarneqarnerannut aningaasat amerlanersusut

Ittoqqortoormiinit atuartut angallarneqartarnerannut aningaasaliissutit kommunalbestyreslemit ilaneqarput.

Atuartut Ittoqqortoormiinit angalasarnerannut, Kommuneqarfik Sermersooq qaavatigut 420.00 koruuninik immikoortitsivoq. Kommuni taamatut nalimmassaavoq, Nuup Ittoqqortoormiillu akornanni angallannermi qaffassimanerat matussuserniarlugu. Kiffartuussinissamut isumaqatigiissutit nutaat atuutilernerisigut, atuartut Ittoqqortoormiiniit Nuummi elevhjemmiliartarnerat akisunerulersimavoq.

Ukiup atuarfiusup tulliani atuartut aqqanillit Ittoqqortoormiiniit Nuummi elevhjemmimukassapput.

Kiffartuussinissamik isumaqatigiissut nutaaq kisimi angalanermi aningaasartuutinut qaffassaataanngilaq. Atuartut Ittoqqortoormiit Nuullu akornanni angalanerminni Island aqqusaartalissuaat. Tassani pisariaqarpoq angalaqateqartarnissaat, tamannalu qaavatigut suli akimik qaffassaasuulluni.

Ukiup tulliani missingersuummi ukiunilu aggersunut, atuartut Ittoqqortoormiinit angallanneqarnerannut Kommuneqarfik Sermersooq, katillugit 770.000 koruuninik immikkoortitsivoq.